Törek matbuğatına küzätü 12.07.2013

“Hürriyet” gazetı "NATO da sörän wazğiyätendä” isemle yazmasında Törkiyäneñ “Ğiraq Dimäşq İslam däwläte” oyışmasınıñ Musul baş konsullığın basıp alıp, baş konsul Öztürk Yılmaz belän bergä cämğise 49 keşene totıq itep aluı arqasında NATOnı çirattan tış cıyılışqa çaqıruın häm NATO daimi wäkilläreneñ Törkiyägä yaqlaw yullamasın yasawın yaza.

“Yäni Şafak” gazetı “Dönya bankınnan Törkiyä isäpläwe” dip atalğan yazmasında Dönya bankı açıqlağan "Global iqtisadi küreneş” xisabında Törkiyä iqtisadınıñ bıyıl 2,4%, kiläse yılda 3,5% häm 2016nçı yılda 3,9% külämendä üsäçägeneñ küzallawı äytelä. Gazet xisapta Törkiyädä ildäge bäyälärneñ häm ağımdağı defitsıtnıñ yuğarı buluı da assızıqlanuı citkerä.

Gazetnıñ "Törkiyä yärdäme Urta Afrikağa barıp citte” isemle yazmasında isä Afät häm ğädättän tış xällär idaräse belän Humanitar yärdän platformasınıñ Urta Afrika Cömhüriyätendäge qaçaqlar öçen cıyğan qimmäte 2 million liradan kübräk bulğan humanitar yärdäm äyberläreneñ 45 tonnalıq öleşen taşuçı oçqıçnıñ Çadqa barıp citüe xäbär itelä.

“Radikal” gazetı “Oscarlı rejissyordan Çanakkalä suğışı öçen film” dip atalğan yazmasında “Yözeklärneñ äfändese” häm “Hobit” filmnarınıñ rejissyorı Peter Jacksonnıñ yaña filmında Çanakkalä suğışın añlataçağın yaza.

“Star” gazetı ““Galatasaray”da Mancini däwere bette” isemle yazmasında Galatasaray klubınıñ Roberto Mancinineñ wazıyfasın taşlawın belderüen citkerä.

Gazetnıñ "Qara diñgezneñ Zeugmasında eşçänlek alıp barıla” isemle yazmasında Karabükneñ Äskipazar ilçäsendä tabılğan häm bezneñ erağa qädär 1nçe ğasırda tözelgän buluı isäplänelgän Hadrianaupolis borınğı qalasınıñ turizmğa açıluı öçen eşçänlek alıp barıluı häm belgeçlärneñ biredäge mozaikalarnıñ Anadoluda misalınıñ bulmawın assızıqlawı äytelä.