Törek matbuğatına küzätü 10.06.2014

“Yäni Şafak”gazetı Törkiyä-İran mönäsäbätlärendä yaña säxifä açıluı turında yaza.

Gazet İran ilbaşı Xasan Ruhaninıñ Änkara säfäre qısasında ilbaşı Abdullah Gül häm premyer-ministr Räcäp Tayyip Ärdoğan belän küreşep söyläşüen belderä.

Xäbärdä Törkiyä ilbaşı Gülneñ tarixi säfärneñ ähämiyätenä basım yasawı , Ruhaninıñ isä säfärneñ ike il mönäsäbätlärendä borılış noqtası bulaçağın belderep,töbäktäge totrıqsızlıqnıñ beräwneñ dä faydasına bulmayaçağın assısıqlawı citkerelä.

Gazet İran ilbaşınıñ ike il arasındağı säwdäne ike tapqırğa arttıru maqstı quyuları turında äytüen dä belderä.

“Sabah”gazetı”Gauck törek säwdägärlärenä moral birde” isemle xäbärendä Germaniyanıñ Kyeln qalasındağı “Keçkenä İstanbul” dip yörtelgän Keup uramına 2004 nçe yılnıñ 9 nçı iyünendä NSU terror otyışması tarafınnan oyıştırılğan bombalı höcüm uñayınnan möhim qunaq kilüen xäbär itä.

Gazet Germaniya ilbaşı Joachim Gaucknıñ şartlawda eş urınnarı zıyan kürgän törek säwdägärläre yanına kilep, bu uramda urnaşqan ber restoranda aşawın citkerä.

Gazet” Höcümnän soñ ildän kitmäwegez öçen bez sezgä räxmätle”dip äytüçe Gaucknıñ älege säfäreneñ alman matbuğatına tarafınnan yaqınnan küzätep barıluı belderelä.

“Vatan”gazetı iqtisad säxifäsendä urın alğan ber xäbärendä iqtisadi üseşneñ töp kürsätkeçe bulğan sänäğät üseşeneñ may ayında 4,6% täşkil itep, kötelgännärdän kübräk üsüen belderä.

“Akşam”gazetı” Törek hawa yullarııñ 15 zakaz qararı” isemle xäbärendä Törek hawa yullarınıñ (THY) AQŞnıñ oçqıç citeşterüçese “Boening”qa birelgän 15 B737-8 MAX oçqıçı alu variantın qatği zakazga küçerü qararına kilüen xäbär itä. 

“Yäni Şafak”gazetı Törkiyäneñ berençe cirle höcüm boralağı “ATAK”nıñ Törek Qorallı Köçlärenä tapşırıluı turında yaza.

Gazet älege boralaqnıñ üz tarmağında iñ yaxşı bularaq qabul itelüen citkerä.

”Sabah” gazetınıñ sport säxifäsendä urın alğan xäbärendä Dönya kuboğında qatnaşaçaq 32 il trenerlarınnan dürteseneñ Törkiyä öçen çit keşelär bulmawı, alarnıñ 5 Törkiyä klubında wazifa başqaruları belderelä.