Törek matbuğatına küzätü 07.05.2014

“Yeni Şafak “gazetı “Kavkazda urtaq vizion” isemle xäbärendä Törkiyä ilbaşı Abdullah Gülneñ Gruziya başqalası Tbilisidä ütkärelgän Törkiyä-Gruziya-Azärbaycan yuğarı däräcäle oçraşuında yasağan çığışında Kavkaz mäs’äläsendä “Kavkaznıñ biyek tawları öç il öçen divar tügel”, dip äytüen citkerä.

“Star”gazetı “Barısı da kitär, “Möselman qardäşlär” qalır” isemle xäbärendä Misırda ilbaşı namzäte, elekke saqlanu ministrı Abdülfättah äs-Sisineñ “Min ilbaşı bulğan däwerdä “Möselman qardäşlar” digän närsä bulmayaçaq “ dip äytüen belderä.

Gazet “Möselman qardäşlär” oyışmasınıñ isä Sisigä “ Misırda “Möselman qardäşlar” bulmayaçaq digän liderlar barısı da kitep bardı, “Möselman qardäşlar” isä haman da qala birä” dip cawap qaytaruın citkerä.

“Sabah”gazetı “Köymalär Ümit qultığında” isemle xäbärendä Barbaros diñgez wazifa başqaru törkeme qısasında 17 nçe martta Gölcüktän yulğa çıqqan Törkiyä suğış köymäläreneñ Könyaq Afrika yar buylarına kilep citüe turında yaza.

Gazet Törkiyä köymäläreneñ 148 yldan soñ qabat Ümit qultığın kiçäçägen belderä.

Xäbärdä ike Ğosmanlı korvetınıñ 1866 nçı yılda Afrikanıñ könyaq öleşendä wazifa başqaruı xäterlätelä.

“Milliyet”gazetı “Katarnıñ 4 miliard 400 milion dollar külämendäge metrosın töreklär töziyäçäk” isemle xäbärendä Törkiyäneñ tanılğan ike şirkäteneñ Katar başqalası Doxadağı “Gold Line” metro tendrın qazanuın xäbär itä.

Gazet älege proyektnıñ Katardağı iñ zur külämle proyektlar arasında urın aluına iğtibarbnı yünältä.

“Akşam”gazetı “Germaniya Üzäk bankına berençe törek kiñäşçe” isemle xäbärendä Akbank AG ğomum mödire Banu Özcannıñ Germaniyanıñ Hessen bundeslandı iaqtisad ministrlığınıñ täqdime belän Germaniya Üzäk bankı başlığı doktor J. Weidmann tarafınnan Franktfurt –Hessen Üzäk banknıñ kiñäşmä şurası äğzası itep saylanuın belderä.

“Hürriyet”gazetı “İñ qimmätle 11 nçe şähär” isemle xäbärendä ingliz” Guardian”gazetınıñ tabiği maturlığı, klimatı, asqorma, transport, sotsial media kriteriylarına qarap dönyanıñ marka qimmäte iñ yuğarı bulğan 56 şähär isemlegen bastırıp çığaruın xäbär itä.

Gazet älege isemlektä İstanbulnıñ 11 nçe urında buluın belderä.