Ärdoğan: “İstanbulnı dönyanıñ aldınğı finans üzägenä äyländerdek”

İlbaşı Ärdoğan İstanbul finans üzägen açu tantanasında çığış yasadı.

6nçı fevral’dağı cirteträw fäläqätenä qaramastan kapital salu häm üseş adımnarın tizlätülärenä basım yasawçı Ärdoğan: “Millätebezne xıyalları belän oçraştıruın däwam itteräbez. Bügen dä Türkiyäne finans ölkäsendä yuğarı ligaga kütäräçäk İstanbul finans üzägeneñ berençe êtabınıñ açılış dulqınlanuın yäşibez,” – dide.

Global’ finans çığanaqların tartu üzägeneñ tora-bara könbatıştan könçığışqa taba küçüenä basım yasawçı Ärdoğan tarixi bularaq könçığış häm könbatış arasında häm geografiya häm dä säwdä küpere wazıyfasın başqarğan İstanbulnıñ finans bazarlar arasında da küper buluın belderde.

İstanbulnı dönyanıñ aldınğı finans üzäklärennän bersenä äyländerülären iskärtep uzuçı Ärdoğan: “Tarixta İstanbul niçek itep bu ilneñ finans märkäze bulsa, xäzer dä yañadan şuşı finans üzäge bulu burıçın üz östenä ala,” – dip äytte.

Däwlät başlığı İstanbul finans üzägeneñ Türkiyäne global’ finans märkäzenä äyländerü maqsatınnan çığıp qamilläşterelgän aldan kürüçän proyıkt buluın belderde.

Ärdoğan: “İstanbul finans üzägebez tuplam mäydanı 1 million 400 meñ kvadrat metrğa citkän 21 ofis binası belän, 100 meñ kvadrat metrlıq säwdä üzäge belän, 2 meñ 100 keşelek kongress üzäge belän, qunaqxanäse häm 26 meñ 500 maşina sıydırışlı aqıllı şähär modele belän, tağın bik küp üzençälekläre belän êş dönyasınıñ böten ixtıyaclarına cawap biräçäk,” – dide.