Tatarstan xäbärläre 45/2023

Tatarstan Räise Şäwkät Mirziyayıvnı Üzbäkstan ilbaşı wazifasına yañadan saylanuı belän qotladı

Tatarstan Räise Röstäm Miñnexanov Şäwkät Mirziyayıvnı Üzbäkstan ilbaşı wazifasına yañadan saylanuı belän qotladı. Mondıy ışanıçlı ciñü bügenge global’ totrıqsızlıq şartlarında ayıruça zur qıymmätkä iyä, dyılä Tatarstan Respublikası citäkçese telegrammasında.

“Layıqlı häm bik möhim ciñüegez uñayınnan iñ cılı qotlaw süzlären qabul itegez”, - dip yazğan Miñnexanov.

Ul Mirziyayıvnıñ üzen aldan kürüçän häm talantlı säyäsätçe, täcribäle däwlät êşleklese bularaq kürsätüen bilgeläp ütte häm Tatarstan belän näticäle xezmättäşlekne alğa taba üsterügä ışanıç belderde.

Röstäm Miñnexanov Üzbäkstan ilbaşına respublikanıñ çäçäk atuı xaqına barlıq uy-niyätläre çınğa aşsın öçen sälamätlek, köç häm ênergiya teläde.

Färit Möxämmätşin Türkiyäneñ Qazandağı General’ konsulı belän oçraştı

10 nçı iyül’dä Tatarstan Respublikası Däwlät Şurası Räise Färit Möxämmätşin Türkiyäneñ Qazandağı General konsulı İsmät Ärikan belän oçraştı. Ärikan äfände Tatarstanda diplomatik missiyäsen tämamlıy.

Respublika parlamentında uzğan oçraşu qısalarında Färit Möxämmätşin General’ konsulğa êşe öçen räxmät belderde häm Rusiya belän Türkiyä (Төркиядә) arasında tığız säwdä - iq’tisadi, mädäni häm gumanitar êlemtälär barlıqqa kilüen, şulay uq Tatarstan belän Türkiyä arasında dustanä mönäsäbätlär, şul isäptän parlamentara êlemtälär nığuın bilgeläp ütte.

İsmät Ärikan üz çiratında respublika citäkçelegenä General’ konsullıq iniśiativalarına häm proyıktlarına här’yaqlap yärdäm itkäne öçen räxmät belderde. “Uzğan 4 yıl säyäsi häm sośial’ - iq’tisadi yaqtan qatlawlı buldı. Ämma bez härwaqıt Tatarstan parlamentariylarınıñ yärdäme toydıq”,- dide ul.

Ärikan äfände şulay uq Türkiyä - Rusiya êlemtäläre qısalarında näq’ menä Tatarstan belän xezmättäşlekkä zur iğ’tibar birelüen äytep uzdı. Şunısın da äytergä kiräk, Rusiya iq’tisadına Türkiyädän kergän investiśiyälärneñ dürttän ber öleşe Tatarstanğa turı kilä. Türkiyä iq’tisadına Tatarstan inestiśiyäläre küläme dä arta, urtaq predpriyätiyelär açıla.

Färit Möxämmätşin İsmät Ärikanğa zur uñışlar teläde häm Tatarstannıñ Türkiyä töbäkläre belän xezmättäşlege alğa taba da uñay yaqtan däwam itäçägenä ışandırdı.

İdel buyı okrugında iñ küp xezmät xaqın Tatarstan xalqı ala

Tatarstanda yäşäwçelärneñ urtaça xezmät xaqı İdel buyı federal’ okrugında iñ zurısı bulğan. "Rosstat" mäğ’lümatları buyınça ul 58 meñ 907 sum täşkil itkän.

Şulay uq okrugta urtaça xezmät xaqı 50 meñnän kübräk bulğan töbäklär arasına Perm’ krayı, Başqortstan häm Udmurtiya respublikaları, Tübän Novgorod, Orenburg häm Samara ölkäläre kergän.

"Rosstat" reytingında autsayderlar Mariy İl (Марий Эл)  häm Mordoviya bulğan. Bu töbäklärdä yäşäwçelär urtaça alğanda 45 meñ sumnan azraq aqça êşli.

Tatarstanda söt citeşterü artqan

Tatarstanda bıyılnıñ berençe biş ayında söt citeşterü 9%qa artqan. Tatarstanstat şundıy mäğ’lümatlar kiterä.

“2023 nçe yılnıñ ğıynwar-may aylarında 2022 nçe yılnıñ şul uq çorı belän çağıştırğanda barlıq kategoriyägä qarağan xucalıqlarda isäp-xisap mäğ’lümatları buyınça söt citeşterü 9%qa artqan” diyelä tabliśalarğa añlatmada.

Ägär uzğan yıl awıl xucalığı oyışmalarında 1 sıyırdan 3 kilogramm 170 gramm söt sawıp alınğan bulsa, bıyıl ul 3 kilogramm 360 gramm täşkil itkän.

Türkiyädä yäşäwçe tatar şağıyräseneñ şiğır’läre azärbaycan telendä basılğan

Türkiyädä yäşäp icat itüçe şağıyrä häm ğalimä Çulpan Zarif - Çätinneñ poêziya äsärläre azärbaycan telendä kitap bularaq dön’ya kürgän.

Millättäşebezneñ şiğır’lär cıyıntığı Azärbaycan Yazuçılar berlege tarafınnan çığarılğan. Ul “Zäñgär yoqılar” dip atala. Anda tatar şağıyräseneñ tatar, rus häm törek tellärendä icat itkän 70 şiğıre urın alğan. Alarnı Azärbaycannıñ tanılğan şağıyr’läre Êl’xan Zal Karaxanlı häm İbrahim Xaciyev tärcemä itkän.

Cıyıntıqta avtor - Türkiyäneñ Kars şähärendäge Kavkaz universitetı ğalimäse, tumışı belän Arça yağı qızı Çulpan Zarif - Çätin turında külämle biografik mäğ’lümat ta birelgän.

“Bu cıyıntıqnı miña küptän tügel Azärbaycanda ütkän 2 nçe törki dön’ya ädäbiyät häm kitap festivalendä tapşırdılar. Anı Azärbaycan Yazuçılar berlege miña syurpriz itep êşlägän. Kitapnı kürgäç, awıp kitä yazdım. Şiğır’lärne dä üzläre saylağannar, tışlıqtağı fotosurätne dä üzläre tabıp quyğannar, kitapnıñ isemen dä üzläre uylağan. Min üzemne tatar milläteneñ ber kisäge, icatımnı tatar ädäbiyatınıñ ber qıypılçığı itep küräm. Azärbaycan qardäşlärneñ mine şuşılay zurlawın tatar millätenä, tatar ädäbiyatına ixtiram kürsätü itep qabul itäm”,- di Çulpan Zarif-Çätin “Tatar – inform”nıñ Türkiyädäge xäbärçesenä.

Bügenge çığarılışta Tatarstan Räiseneñ matbuğat xezmäte belän “Tatar-inform” xäbär agentlığı yazmaları qullanıldı.