Qazan kirmänendä “Ruxi êzlänülär”
Uzğan atnada “Qazan Kirmäne”neñ Tatar şamaile galereyasında “Ruxi êzlänülär” isemle räsem kürgäzmäse açıldı
TÖRKİYÄ AŞA TATARSTAN XÄBÄRLÄRE 04.08.2020 PODKAST
Узган атнада «Казан Кремле»нең Татар шамаиле галереясендә «Рухи эзләнүләр» исемле рәсем күргәзмәсе ачылды.
Күргәзмә унбиш рәссамның иҗаты белән таныштыра.
Күргәзмәдә Татарстан, Башкортстан, Чувашстан, Мәскәү һәм Киров рәссамнарының Чистайда пленэрлар кысаларында башкарылган эшләре тәкъдим ителә. Пленэрларда «Татар шамаиле» (2019 елның феврале), «Мөселманнарның изге урыннары» (2019 елның декабре) һәм «Мөселман натюрморты» (2020 елның март ае) төп темалар булды.
Картиналар татар халкының рухи мирасын сәнгать телендә чагылдыра. Биредә Татарстанның борынгы мәчет образлары, милли натюрмортлар, шамаилләр сурәтләнгән.
Күргәзмә 15 рәссамның 30 эшенән гыйбәрәт. Алар арасында Вакилә Шәйхетдинова (Уфа), Әлфия Саргина, Мөдәрис Минһаҗев, Елена Баймяшкина (Казан), Евгения Хайлова (Мәскәү) һәм башкалар бар.
Күргәзмә 2020 елның 6 сентябренә кадәр дәвам итәчәк.
Bäyläneşle xäbärlär
Tatarça söylämne rusçağa tärcemä itüçe täwge quşımta
Tatarstan fännär aklademiyäse “Tatsoft” quşımtasın täq’dim itte