Min teşläremne çistartam

Bügenge yazmabızda sälamätlegebez belän bäyle bik ğadi çaralarnıñ bezne zur qurqınıçlardan niçek itep saqlawı turında süz alıp barabız. Awız häm teş sälamätlegeneñ tormış sıyfatıbız nisbätennän ähämiyätle bulğanı öçen teşläremne çistartam çönki diyep süzebezgä başlıybız.

Bezneñ organizmda härberse ayırım funkśiyägä iyä sistemalar bar. Wazıyfaları törle bulsa da sistemalarnıñ êşläwe ber-bersennän bäysez tügel. Ber sistemada kilep çıqqan totqarlıq bäyläneşe bulmağan kebek kürengän başqa ber sistemanı da qurqınıç astına quya. Mäsälän, tikşerenülär urt xastalıqları belän yöräk awıruları arasında bäyläneş bula alaçağın kürsätä.

Bik borınğı çorlarda tügel, monnan 100 yıl êlek teş kariesı ülemgä säbäp bula alğan xastalıqlar arasında ide. Tıyb-mediśina häm daru industriyäse, farmaśevtika ölkäsendä ireşelgän alğarışlar belän bu problema betkän bulsa da, awıznı häm teşlärne qaraw sälamätlegebezgä bik nıq täêsir itä. Awızda barlıqqa kilgän yalqınsınu häm urt xastalıqlarınıñ organizmda ğomum yalqınsuğa säbäp buluı belenä. Xronik yalqınsınu isä yöräk awıruları, diabet häm başqa sistema bozılğanlıqları belän bäyle.

Awıznı häm teşlärne qaraw bar närsädän êlek xastalıqlardan saqlanu öçen daimi bularaq başqarıluı zarur bertörkem xäräkät räweşen üz êçenä ala. Bolarnıñ başında könenä ike tapqır, ike-öç minutıbıznı ayırıp quyıp, teşlärebezne çistartu tora. Teşlärne çistartu – teş taşların, utırmasın häm awızdağı bakteriyälärne çistartu öçen iñ töp teş qaraw adımı.

Teşlärne çistartu – urtnı çistarta häm qan äyläneşen arttırıp, urt sälamätlegenä bulışlıq itä. Teşlärebezne çistartqan çaqta awız êçendäge aşamlıq qaldıqlarınnan häm bakteriyälärdän arınğanıbız öçen awızdağı naçar isne dä beteräbez. Ayıruça teşne çistartu teş êmale östendäge zararlı kislotalardan çistartıp, teş sizgerlegeneñ xasil buluın totqarlıy. Teşlärebezne çistartu belän bergä şikärle häm kislotalı rizıqlardan saqlanu da awız häm teş sälamätlegebez öçen möhim çara. Yılına ike tapqır teş tabibı, stomatologqa baru isä awırtmağan, simptomnarnı kürsätmägän awırulardan saqlanırğa mömkinlek birä.  

Süzebezne tögälläp, daimi räweştä teşlärne çistartunıñ barı tik awız sälamätlegenä genä tügel, böten organizmğa täêsir itüen bilgeläp uzarğa telibez. “Teşläremne çistartam, çönki sälamät bulırğa telim” diyep yazmabıznı tögällibez.