“Zinhar” dip äytäm

 “Nigä?/Çönki!” tapşıru - tezmäbezneň bügenge çığarılışında yazılğan qağıydä bulmağan, läkin ütälgändä qarşı yaqnı söyenderä torğan üz-üzeňne totu räweşe bulğan, berär närsä sorağanda, ütengändä  “zinhar” dip äytü turında süz alıp barabız. Törek tele cämğıyäte tarafınnan “kemnänder ber närsä soraw, ütenü” digänne añlatqan “zinhar” süze ğaräp telennän kergän.  Ul “Möhim yäki yuğarı däräcädäge keşelärdän büläk” mäğ’näsenä turı kilä.

 “Zinhar”  - qarşıñdağı keşene maqtaw, zurlaw süze. Söyläwçe üzeneñ närsä êşlärgä telägänen yağımlılıq, mölayımlıq belän citkerä.

Zinhar dip äytü berençe çiratta başqalarğa xörmät kürsätü ısulı. Teläklärebez, üteneç-taläplärebezne citkergändä bu süzne qullanu başqalarnı olılaw häm alarnı qaderläwebezne belderä. Ägär dä keşelär ber-bersenä qarata yaxşı möğalämädä bulsalar, alarnıñ aralaşuı, êlemtäse dä yaxşı bula. Yuğıysä yaqlar ber-bersen tiskäre qaraş belän tıñlarğa häm bu alar alar arasında negativ bäyläneşkä kiterergä mömkin. “Zinhar” dip äytü aralaşunıñ, dialognıñ  uñay häm näticäle atmosferada uzuına yärdäm itä.

“Zinhar” dip äytü küp mädäniyätlärdä sośial’ normalar buyınça êş itüneñ ber öleşe bulıp tora. Cämğıyät’ êçendä üzara êlemtälärdä üz-üzeñne totu räweşenä iğ’tibarlı bulu sośial’ mönäsäbätlärneñ uñay saqlanuın täêmin itä. Bu yaqtan xezmättäşlek häm yärdämläşügä öndäwçe “zinhar” süze cämğıyät’täge tärtipneñ häm ike yaqlı mönäsäbätlärneñ dä   möhim êlementı bulp tora.

Teläk – üteneçlärne näzakätle räweştä citkerü keşelärneñ bezgä bulışu qararına uñay yoğıntı yasıy. Soralğan äyber qarşıbızdağı keşene mäcbür itäçäk xarakterda bulmasa da teläk – üteneçlärebezne “zinhar” süze belän citkerü keşeneñ üzenä häm başqalarğa xörmäten kürsätä. Cämäğat’ transportında üteneçeñ bulğanda, ofiśiantqa zakaz birgändä, nindider xezmät kürsätüçegä “ zinhar” dip äytü bezgä bernindi zıyan kitermäyäçäk.