Latin Amerikadağı Ğosmanlı onıqları "El Turcolar" (Эль Турколар) uñışları belän illäreneñ ğorurlığı
Tormışnıñ qızıqlı yaqları 51/2023
Tormışnıñ qızıqlı yaqları 51/2023
Latin Amerikadağı Ğosmanlı onıqları "Äl Turkolar"nıñ uñışları belän niçek itep illäreneñ ğorurlıqları buluı turında
Ğosmanlı däwlätennän Latin Amerikağa 1860nçı yıldan Berençe Bötendönya suğışınıñ axırına qadär törle möhacir dulqınnarı yäşände.
Bügen Törkiyä, Süriyä, Livan, İzrail, Yordaniya, Fälästin häm Misırnı üz êçenä alğan, könbatışta Urta diñgez, könçığışta Mesopotamiya belän çiklängän Levant töbägennän yasalğan şuşı küçenü, migraśiya (миграция) dulqınında xristian ğaräpläre, yähüdlär häm ärmännär bula.
Monnan tış 2nçe Bötendönya suğışı tağın da kübräk keşene Latin Amerikağa küçep kitärgä mäcbür qıla.
Amerika Quşma Ştatlarına kitü ömete belän yulğa çığıp, Azatlıq sının kürergä xıyallanğan küp sanda möhacir Rio-de-Janeyrodağı Xristos-Yoluçı (Йолучы) häykäle (Qotqaruçı Ğaysä sını) tarafınnan qarşılandı.
Yaxşıraq kiläçäkne êzläp Amerika qıytğasına barğan möhacirlär Ğosmanlı watandaşları bulğannarı öçen töbäktä “töreklär” mäğ’näsenä turı kilgän "Los Turcos", "El Turco" (Türk) iseme belän telgä alına.
Qayber ğaräplär, yähüdlär häm ärmännär üzläreneñ "Los Turcos" dip yörtelüenä qarşı çıqsa da latin amerikalılar äle dä monı yış qullana.
Monnan tış Ğosmanlı imperatorlığı belän qayber Latin Amerika illäre arasında diplomatik häm konsullıq mönäsäbätläre dä şuşı uq çorda başladı.
Açıq çığanaqlarda bügen Latin Amerikanıñ Ğosmanlı däwläte pasportı belän 19nçı ğasırda töbäkkä kilgän kübese ğaräp bulğan yaqınça 30 million "Turco"nı qabul itüe belderelä.
Säyäsättän êş dönyasına, sänğättän bik küp ölkädä uñışlı bulğan El Turcolarnıñ onıqları bügen şaqtıy keşe telägän wazğıyättä.
Latin Amerikadağı 3 ilneñ Däwlät başlığı Ğosmanlı
El Turcolarnıñ (Эль Турколарның) onıqları bügen säwdä belän ber rättän töbäkneñ säyäsätendä, byurokratiyasında häm êş dönyasında da töp urınnarğa iyä.
Argentinada, Braziliyada, Sal’vadorda, Dominik Cömhüriyätendä, Êkvadorda (Эквадорда), Paragvayda häm Braziliyada Ğosmanlı möhacirläre säyäsättä aktiv qatnaşa.
Bolarnıñ xäzerge waqıttağı ürnäkläreneñ başında isä Sal’vador Däwlät başlığı Nayib Bukele, Paragvay İlbaşı Mario Abdo Benitez häm Dominik Cömhüriyäte Däwlät başlığı Luis Abinader kilä.
Monnan tış 2016nçı-2018nçe yıllarda Braziliya İlbaşı wazıyfasın başqarğan çığışı belän Livannan bulğan Michel Temer, Êkvadornıñ çığışı belän Livannan bulğan 41nçe Däwlät başlığı Jamil Mahuad, 1989nçı-1999nçı yıllarda Argentina İlbaşı bulğan çığışı belän Süriyäle bulğan Karlos Menem dä ğailäläre Ğosmanlı däwlätennän küçep kilgän möhim säyäsätçelärdän barı tik berniçäse.
Dön’yaküläm tanılğan El Turcolar (Эль Турколар)
Säwdä häm säyäsät belän ber rättän Ğosmanlı näselennän bulğan bik küp Latin Amerikalı da mädäniyät, belem, sport, ictimağıy häm sänğät ölkäsendä möhim uñışlarğa ireşep, dönya külämendä tanıldı.
Grammy büläge iyäse Kolumbiyalı cırçı Şakira häm aktrisa, rejissyor häm prudyusser Salma Hayek şuşı misallarnıñ iñ başında tora.
Başqa aldınğı ğaräp latinnar arasında “Forbes”qa kürä, dönyanıñ iñ bay 8nçe keşese Karlos Slim belän Braziliyalı yazuçılar Raduan Nassar häm Milton Hatoum häm Argentinalı aktyor Rikardo Darin bar.
Şul uq waqıtta Latin Amerikadağı här ildä diyärlek Ğosmanlı watandaşlığınnan kilgän möhacir cämğıyätläre alıp barğan mädäni häm ictimağıy oyışmalar bar.
Bu oyışmalarnıñ iñ küzgä taşlanıp torğan ürnäge bularaq yartı millionğa yaqın diyärlek çığışı belän Fälästinle bulğan Çilidäge Fälästin-Çili cämğıyäteneñ "Palestino" isemle 103 yıllıq professional’ futbol taqımı ayırılıp tora.
Çığanaq – “Anadolu” agentlığı
