Türkiyäneñ berençe oçqıç injenerı - Ali Yar
Bolarnı beläsezme? 36/2023
Bolarnı beläsezme? 36/2023
Dön’yanıñ berençe 3 oçqıç injenerınnan berseneñ törek buluın belä idegezme?
1885 yılda tuğan Ali Yar 1912dä Türkiyäneñ berençe, dön’yanıñ öçençe oçqıç injenerı bula.
Ğosmanlı İmperatorlığınıñ soñğı yıllarında ul yıllarda belem alu 10 yıl bulğan Galatasaray liŝeyen 6 yılda tämamlağan Ali Yar Franŝiyadäge Sorbonna Universitetın beterä. Annarı Aêronavtika häm maşina tözeleşe yuğarı injenerlık mäktäben ber yılda tämamlıy.
1912 yılda Türkiyäneñ berençe, dön’yada öçençe yuğarı oçqıç injenerı häm pilotı bularaq İstanbulğa qayta. Ğosmanlı däwläteneñ soñğı çorlarında Galatasaray Liŝeye häm İstanbul Universitetında matematika häm fizika däreslären uqıta. Bu xezmätlären cömhüriyät iğlan itelgännän soñ da layıqlı yalğa çıqqan 1955 yılğa qadär däwam itterä. Ber waqıt dekan bulğan Fän fakul’tetında matematika däreslären dä birä Ali Yar.
Ali Yar Türkiyädä matematik fikerläwne üsterü öçen matematikanıñ törle ölkälärendä şaqtıy çit il äsären törekçägä tärcemä itep, mäktäplärdä uqıtıluın täêmin itä. Şulay uq astronomiya ölkäsendä kitap yazğan Professor Ali Yar İstanbulda 80 yäşendä wafat bula.
