Atatörek turında kemnär yazğan?

Atatörek turında bügengä qadär meñlägän kitap yazıluın beläsezme?

Mostafa Kämal Atatörek barı Türkiyägä tügel, dön’yağa da ähämiyätle yoğıntı yasağan böyek lider. Bik küp däwlät anıñ êşçänlegen ürnäk itep alıp xäräkät itä, şaqtıy tikşerenüçe häm yazuçı anıñ tormışın öyränep kitap yaza. Töreklärneñ bäysezlek suğışı häm Atatörek turında böten dön’yada yözlärçä kitap häm meñnärçä mäqalä basıldı.  

Bötendön’ya tarixında tirän êz qaldırğan, üzenä xac zamança fikerläw turırğan Atatörek belän bäyle ingliz, franśuz, nemeś häm başqa tellärdä yazılğan kitaplarnı oçratırğa mömkin. Britaniya yazuçısı Lord Kinrossnıñ 5 yıllıq êşçänlek häm tikşerenü näticäsendä äzerlängän “Atatörek: ber millätneñ qabat tuuı” dip ataluçı äsäre alar arasında iñ tanılğanı. Kitap törek xalqınıñ Mostafa Kämal Atatörek citäkçelegendä tözelgän Türkiyä cömhüriyäte däwläte tübäse astında qabat tuuın tasvirlıy häm Atatörekneñ tiñsez xarakterın da açıp sala.

Atatörek turında yazılğan iñ külämle äsär isä, şulay uq, Britaniya tikşerenüçe-yazuçısı Êndryu Mangonıqı - “Atatörek: zamança Türkiyäneñ tuuı”. Anda ğadi häm anlayışlı teldä bik küp tarixi waqıyğa ob’yektiv räweştä tasvirlana.  Kitap Atatörekne barı lider üzençälekläre belän tügel, yaqın dairäläre häm şäxsi mönäsäbätläre belän dä tanırğa mömkinlek birä. Äsär berençe tapqır 1963nçe yılda basıla häm xalıqara mäydanda tarixçılar tarafınnan yuğarı bäyälänä. Ul äle dä iñ küp satılğan Atatörek biografiyälärennän berse.