Törkiyäneñ iñ zur mayağı

Törkiyädä äle dä êşläwçe iñ zur mayaknıñ İstanbuldağı Şilä rayonında ikänen belä idegezme?

Şilä mayağı Törkiyäneñ aktiv bulğan iñ zur mayağı. Dön’yada isä, borınğı buluına qaramastan, äle dä wazıyfasın başqaruçı iñ zur ikençe mayak bularaq ta bilgele. Ul korpusınıñ kiñlege häm utınıñ bik yıraqtan kürenüe belän ayırılıp tora. Xalıqara standartlarda 1nçe sıynıf kategoriyäsenä kerüçe Şilä mayağınıñ utları ayaz tönnärdä 35 mil’ yıraqlıqqa citä. Anı İstanbul buğazınnan da kürep bula.

Mayaqnı tözü 1858nçe yılda başlana häm 1859da tögällänä. Anıñ tözeleşeneñ maqsatı Qırım suğışı waqıtında Qara diñgezdän Bosforğa kerüçe korablarğa yul kürsätü bula.

Şilä diñgez mayağınıñ taş qorılması törek arxitektorlarınıñ icatı. Metal detal’läre häm linzanıñ kristallı sistemaları Franśiyädä yasalğan. Diñgez öslegennän 60 metr biyeklektä urnaşqan Şilä mayağınıñ manara ozınlığı 19 metr. Şähär êlektrı belän êşläwçe mayaqnıñ cihazı häm namara qorılmasınıñ original’ xäle saqlanğan.  

Tarixi häm simvolik üzençälekkä iyä älege ähämiyätle qorılmanı bügen muzey bularaq ta qararğa mömkin. Kürgäzmädä mayaknıñ tarixın çağıldıruçı gaz lampaları, iske yaqtırtqıçlar häm texnik cihazlar bar.  

Şilä mayağınıñ tağın ber ähämiyätle üzençälege - Qara diñgez manzarası…