15nçe iyül’ Demokratiya häm Milli berdämlek köne

Bügen 2022nçe yılnıñ 15nçe iyül’ köne. 6 yıl êlek şuşı könne 2016nçı yılnıñ 15nçe iyül’ könne Törkiyä xain tüntäreleş omtılışı belän qara-qarşı qaldı. “Fetö” isemle terror oyışması Törek qorallı köçlärenä ütep kergän törkemnärne qullanıp, däwlätebezgä häm däwlätebezne wäkillek itkän qimmätlärgä qarşı xain höcüm kereşüen yasadı.

İlbaşı qolliyäte, Törkiyä Böyek Millät Mäclese bombalandı. TRT Törkiyä teleradiokompaniyase belän bergä küp sanda däwlät oyışması tüntäreleşçelär tarafınnan basıp alınırğa tırışıldı. Änkara häm İstanbul küklärendä xärbi oçqıçlar belän, uramnarda tanklar belän bezgä yanadılar.

Xalqıbız bu wazğiyätkä bitaraf qalmadı. Älbättä, meñnärçä watandaşıbız Däwlät başlığınıñ çaqıruı belän dä tüntäreleş omtılışın totqarlaw öçen şähär mäydannarında, uramnarda cıyıldı, canın fida itep tanklarnıñ aldına bastı, boralaqlardan açılğan utqa qarşı tordı. Moñarçı tarixta bik äz kürengän qarşılıq kürsätep, watanın, däwläten, demokratiyanı saqladı.

Xalıqtağı täwäkkällek yärdämendä däwlätebez tüntäreleş omtılışın uñışlı räweştä totqarladı. Monıñ öçen 251 şähit birelde, yözlärçä keşe ğazıy buldı. 15nçe iyül’ köne demokratiya ciñüeneñ simvolına äylände. Şähitlärebezne häm ğazıylarıbıznı räxmät süzläre häm xörmät belän iskä alabız.