Likiya yulı

Dön’yadağı iñ matur yöreş yullarınıñ berse Türkiyedӓ ikӓnen belӓsezme?

Fӓtxiyӓdӓn başlanıp Antaliyağa qadӓr suzılğan ozın cӓyӓwle yulı borınğı zamanda töbӓktӓ yӓşӓgӓn Likiya śivilizaśiyӓse arqasında Likiya yulı dip atalğan.

Fӓtxiyӓdӓn başlanıp Antaliyağa qadӓr suzılğan bu cӓyӓwle marşrut buyınça êşçӓnleklӓr 1992 nçe yılda başlana. Angliyӓdӓn kilep Türkiyedӓ yӓşi başlağan Kate Clow 1999 nçı yılda Likiya yulın yöregӓn berençe keşe bula. Clow soñraq bu marşrut turında kitap yaza hӓm Likiya yulın dön’yağa tanıta.

Törle çığanaqlarda dön’yanıñ iñ yaxşı 10 ozın yöreş yulınıñ berse itep kürsӓtelgӓn Likiya yulı şulay uq dön’yadağı iñ matur manzaralı 50 marşrutnıñ berse. Biredӓge Gelidoniya mayağı manzarası 2007 nçe yılda Türkiyeneñ iñ matur küreneşe itep saylana. Monnan tış, dön’yada böten köymӓ tulısınça çığarılğan berençe su astı qazu êşçӓnlege dӓ bu töbӓktӓn kürenep torğan Amerika qultığında ütkӓrelӓ.

Yaqınça 550 çaqrımğa suzılğan Likiya yöreş yulı, Türkiyeneñ iñ möhim turizm töbӓgendӓ urnaşqanğa, bik bay transport hӓm qunıp çığu mömkinleklӓrenӓ dӓ iyӓ. Urta diñgez klimatı östenlek itkӓn töbӓktӓ qış ayları  bik salqın bulmağanğa yöreş sezonı da ozın bula.