Reklama dönyasınıñ yaña bazarı: töş injenerlığı

Texnologiya dönyasınıñ iñ zur ilham çığanaqlarınnan berse, hiçşiksez, fil’m industriyası. Bügen dä bik küptän bulmağan fantastika, belem çınbarlıqqa äylänergä däwam itä. Kristofer Nolan yazğan “Başlanğıç” (“Inception”) fil’mı şuşı törneñ soñğı ürnäge bulırğa mömkin.

Fil’mnıñ temasın xäterli torğansızdır. Leonardo Di Kaprio uynağan Kobb geroyı bik sälätle qaraq bula.

Läkin ul urlağan urın bank ta tügel, muzey da, kibet tä tügel.

Zihenneñ iñ yaqlawsız bulğan töş kürü waqıtında keşelärneñ añastınnan mäğ’lümatlärne urlıy.

Fäqät belgeçlegen kürsätüe kiräk bulğan närsä bu yulı fikerne urlaw tügel, yaña fiker urnaştıru häm töşençälärne üzgärtü.

Bu fil’m niçek çınbarlıqqa äylänergä mömkin soñ?

Massaçusets texnologiya institutınıñ êşçänlege ilham çığanağı buldı. Raslawlar Massaçusets texnologiya institutı, Harvard häm Montreal universitetlarınnan 3 tikşerenüçe yazğan mäqalä belän kön tärtibenä kilep urnaştı. 

İnstitutnıñ töşkä ütep kerü häm yoqlawçılar belän êlemtägä kerü öçen cihaz proyektlawı belenä.

Läkin bu êşçänlek töş kürüneñ öyränügä niçek täêsir itüen tikşerü, travmadan soñ stress bozılğanlığına säbäp bulğan awır kiçereşlärne, naçar yoqlawnı tağın da yaxşıraq añlaw häm däwalaw maqsatınnan çığıp başqarıla.

Kim digändä "räsmi açıqlawlar" şuşı räweşle.

Reklama şirkätläre yaqınnan küzätep bara

Mäqaläne yazuçılarnıñ berse Massaçusets texnologiya institutı proyektlağan bu cihaznıñ êşläp çığarıluın başqarğan törkemdä êşli.  İğ’tibarnı cälep itkän närsä isä marketing firmalarınıñ töş injenerlığı belän qızıqsınuı. Şirkätlärneñ yoqı häm töş xakerlığı yulı belän satıp alu räweşen üzgärtüneñ häm yünältüneñ yaña yulların sınap qarawı añlatıla.

Yäğ’ni töş êçtälegenä täêsir itü öçen yoqı aldınnan yäki yoqı waqıtında stimullarnıñ citkerelüe säwdä häm tabış maqsatlı qullanuğa äylänä.

Monıñ niçek yasalaçağı turında neçkäleklär älegä anıq tügel. Fäqät marketing firmalarınıñ "töş injenerlığı”na qarata iğ’tibarı borçılırlıq itep bäyälänä.

Tikşerenüçelär, Amerika Quşma Ştatlarında reklamalarnı tärtipkä saluçı Federal’ säwdä komissiyasına çaqıru da yasap, töş xakerlığınıñ xäzerdän ük tıyıluın teläde.

Töş xakerlığınıñ ni qadär çınlıqçı hönärgä äylänäçägen xäzerdän äytü mömkin tügel. Läkin fil’mnar texnologiyanıñ iñ köçle küräzäçeläre bulırğa däwam itäçäk.

Çığanaq: - TRT Xäbär