Xronik prostatit häm anı tabiği däwalaw ısulları

“Sälamät bulıyq” tapşıru tezmäbezneñ bügenge çığarılışında xronik prostatit (xronik prostat yalqınsınuı) xaqında süz alıp barabız.

Xronik prostatit prostat bizendäge infekśiya yäisä anı yarsıtuçı faktorlar arqasında kilep çıqqan awıru. Anıň simptomnarı: yış siyü, awır häm qanlı sidek, awırtu häm yanu.  

Bu awıru här 10 ir - atnıň dürtesendä oçrıy häm alarnıň tormış sıyfatın nıq kimetä. Ul seksual’ tormışqa häm psixologiyägä tiskäre yoğıntı yasıy häm bu awıru qabatlanırğa da mömkin.

Xronik prostatit öçen tabiği däwalaw ısulları tübändägelär:

Ägär awıruığız 1-2 yıl däwam itä ikän öydä äzerli torğan qayber ısullar şiqayät’läregezne kimetergä yärdäm itä.

1 litr sunı qaynatıp aňa yaqınça 250 gramm brokkoli quşıla. Sürän utta 5 minut qaynatqannan soň suıtıla. Sözelgän su 3 öleşkä bülenä. Anı irtän, köndez, kiç aç kileş êçärgä kiräk. Brokkoli sogı êçkännän soň 20 minut bernärsä dä aşamasqa kiräk. Suda peşkän brokkolinı rizıqlar häm salatlarda qullanırğa bula.

Monı 1 atna özleksez qullanırğa kiräk. 3 kön tuqtap torğannan soň qabat başlarğa häm bu räweşle 21 kön êçü zarur. Fäqat’ kiläçäktä awıru simptomnarı qabat päyda bula başlasa bu yulı brokkoli belän däwalawnı 15 kön qäwam itärgä kiräk.

Xronik prostatitta urta zurlıqtağı 1 qoňğırt suğannı ärçep telemläp kisärgä häm 1 telem ikmäk belän aşaw da faydalı. Ul awıru arqasında kilep çıqqan yalqınsınunı kimetä häm awırtunı ciňeläytä.

Kiç belän ,yoqlarğa yatar aldınnan, qabığı ärçelgän 2 suğannı 1 litr suğa salalar, irtän aç kileş 1 stakan bu sunı êçärgä kiräk.  

Kön sayın 1 uç çi qabaq orlığı aşarğa kiňäş itelä.  Yäisä 500 gramm çi qabaq orlığın tartıp 200 gramm sıyıq bal belän quşarğa häm bu qatnaşmanı irtän 1çäy qaşığı aşarğa bula.  

Keçkenä yafraqlı petruşkadan 8-10 sabaq qaynatığız häm könenä 3 tapqır êçegez.  

Poroşok xälendäge kurkumanı daimi räweştä qullanu bik täêsirle. Anı salatqa, şulpa häm yoğırtqa 1 çäy qaşığı quşıp aşarğa bula.   

Prostatit bulğanda kişer häm şpinat sogı da bik faydalı.

Êçinasiya organizmğa infekśiya belän köräşergä yärdäm itä torğan iskitkeç immunitet nığıtuçı üzençälekkä iyä.

C vitamini – antioksidant vitamin. Yalqınsınuğa qarşı häm immun sistemasın nığıtırğa yärdäm itä. Ul şulay uq sidekne kislotalı itä , şuna kürä bakteriyälär ciňel genä ürçi almıy. Köngä ike tapqır yaqınça 500 mg êçärgä kiräk.

Köngä kim digändä 6-8 stakan su êçegez.

Êçendä kofein bulğan çäy, qahwä ,kola kebek êçemleklär , yasalma ballı tämlätkeçlär qullanırğa yaramıy, çönki alar sidek quığına zıyan kiterergä häm qayber sidek problemaların tağın da arttırırğa mömkin.

Tämlätkeçle rizıqlarnı da şiqayät’lärne attırğanğa kürä qullanmasqa kiňäş itäbez.

Velosiped yörtüdän tıyılırğa kiräk. Basım yasağanğa kürä ul simptomnarnı tağın da arttırırğa mömkin.

Êç qatu yalqınsınğan prostat bizen yarsıta häm awırtularnı köçäytä. Êç kibü bulmasın öçen cepselle rizıqlar aşarğa kiräk.

Bolardan tış regulyar räweştä künegülär yasaw, xäräkät itü häm yaxşı yoqı da bik möhim.

Tabib Mäxmät Uçar