Gaziantep pähläwäse

           Gaziantep pähläwäseneň Awrupa Berlegendä geografik urını räsmiläşterelüen beläsezme?

Pähläwä - Urta Aziyädän kilgän täm - tom. Anı töreklär Anadoluğa alıp kilä. Waqıt uzu belän Ğosmanlı sarayı kuxnyasında törleländerelä häm xäzerge formasın ala. Bügenge köndä pähläwä diyügä iň berençe bulıp Gaziantep pähläwäse küz aldına kilä. Törkiyäneň Gaziantep şähärendä ätisennän ulına, ostazdan şäkertkä öyrätelep bügenge köngä qadär kilep citkän törek tradiśion kuxnyasınıň iň tanılğan tatlı rizıqlarınnan berse ul.

Awrupa komissiyäse Gaziantep pähläwäsen “saqlanğan çığanaq iseme” häm “saqlanğan geografik işarät” isemleklärenä kertüne rasladı. Üzençälekle äzerläw räweşe, anı peşerüdä qullanılğan äyberlär häm sıyfatı belän markağa äwerelgän Gaziantep pähläwäse geografik işarät belän terkälep Törkiyäneň möhim produktlarınıň berse buldı. Gaziantep pähläwäseneň bu räweşle terkälüe anıň unikal’ üzençäleklären saqlap qalu,naçar maqsatlarda qullanu häm anı qabatlarğa tırışunı totqarlaw öçen  zur ähämiyätkä iyä.  Awrupa Berlegendä räsmiläşterelgän törek kuxnyasınıň täwge produktı Gaziantep pähläwäse xäzer isä Törkiyä tabınnarında ğına tügel, Awrupa tabınnarınıň da tämle rizığı.