Törkiyäneñ Süriyädä strategik tüzemlege bette

Törkiyä ilbaşı Räcäp Tayyip Ärdoğan yasağan soñğı açıqlawında Süriyӓdӓ PKK/YPG kontrolenda bulğan töbӓklӓrdӓ oyıştırıluçı höcümnӓr belӓn bӓyle bularaq “tüzemlegebez qalmadı” diyep, tӓêsirle cirle köçlӓr belӓn yӓisӓ berüze genӓ PKK/YPG terror oyışmasına qarşı yaña xӓrbi xӓrӓkӓtlӓr oyıştıraçağın belderde. Bu açıqlawdan soñ bar iğtibar qabat Süriyӓgӓ yünӓlde, Soçida küptӓn tügel çınğa aşqan Êrdoğan-Putin söylӓşüeneñ dӓ bilgelӓwçe buluın ӓytӓ alabız.

Törkiyä ilbaşı Räcäp Tayyip Ärdoğannıñ “tüzemlegebez qalmadı” açıqlawları belӓn Törkiyӓneñ Süriyӓdӓ PKK/YPG qulında bulğan qayber töbӓklӓrgӓ kiñ qırlı xӓrbi operaśiyalar oyıştıruı kötelӓ. Çınında Törkiyӓneñ ozaq waqıt strategik sabırlıq belӓn êş başqaruın ӓytep bula. AQŞ hӓm Rusiyӓ belӓn tözelgӓn kileşülӓrneñ kiresenӓ PKK/YPG Törkiyӓ çigenӓ yaqın urınnarda êşçӓnlek başqarunı dӓwam itterӓ. Yӓnӓ PKK/YPG terror oyışması Törkiyӓ kontrolendӓ bulğan Afrin, Azez, Cerablus, Bab, Tel Abyad hӓm Resul Ayn kebek töbӓklӓrgӓ qaçıp, terror höcümnӓren oyıştıra, biredӓ Törek qorallı köçlӓren hӓm Süriyӓ Milli armiyasenӓ bӓyle köçlӓrne maqsat itep ala, bu töbӓklӓrdӓ totrıqsızlıq urnaştıru öçen tınıç xalıqqa da höcüm itӓ.

Törek qorallı köçlӓre hӓm Törkiyӓneñ küzlӓw oyışması Törkiyӓdӓ hӓm ayıruça Ğıyraqnıñ tön’yağında PKK terror oyışmasına qarşı uñışlı xӓrӓkӓtlӓr oyıştırıp, anı tarmar itӓ, PKKnıñ Süriyadӓge törkeme PYD/YPG isӓ AQŞ hӓm Rusiyӓ qulçatırı astında Törkiyӓneñ tüzemlegen sınıy. Lӓkin Ӓrdoğan da ӓytkӓnçӓ Törkiyӓ öçen Süriyӓdӓ bar çiklӓrne uzdılar. Monnan alda da çınğa aşırılğan Fӓrat qalqanı, Zӓytün botağı hӓm Solıx çişmӓse operaśiyalӓrendӓ bulğanı kebek yaña kiñ qırlı xӓrӓkӓt çorı başlana kebek.

Uzğan atnalarda uzğan Ӓrdoğan-Putin oçraşuın da iğtibarğa alırğa kirӓk. İke lider üzara küreşep, Süriyӓ mӓs’ӓlӓsen qaradı hӓm taraflar barlıqqa kilgӓn butalçıqlıqnı beterü niyӓtendӓ buluların açıqladı. İke yaqlı bularaq xӓzerge poziśiyalarnı yañadan qarap çığu hӓm totışlar belӓn urtaq nigez salıp bula. Bu da ozaqlamıy İdlib hӓm PKK/YPG kontrol’ itkӓn töbӓklӓrdӓ möhim nӓticӓlӓr tudıra ala. Lӓkin ike lidernıñ uñay totışlarına qaramastan nӓticӓ çıqmasa, Rusiyӓ hӓm rejim köçlӓreneñ İdlibne maqsat itep alaçağın, Törkiyӓneñ biredӓ çigenderüçe köç bularaq cawap qaytaraçağın, Törkiyӓneñ isӓ PKK/YPG terror oyışmasına qarata xӓrbi operaśiyalӓr başlataçağın, Rusiyӓ hӓm rejimnıñ isӓ çigenderüçe köçkӓ qarşı çığaçağın küzallıy alabız.

Säyäsi,iq’tisadi häm soŝial’ tikşerenülär waqıfı SETAnıň  tışqı sӓyӓsӓt tikşerenüçese Can Acun