Төркия Милли күзләү oeшмaсының чик aрьягындагы oпeрaцияләрe / Törkiyä Milli küzläw oyışmasınıñ çik ar’yağındağı operaśiyäläre

Törkiyäneñ Milli küzläw oyışması (MİT) soñğı yıllarda bik zur operaśiyälär ütkärep, bigräk tä Ğıyraqta häm Süriyädä “PKK” terror oyışması äğ’zalärenä qarşı başqarğan noqta operaśiyäläre ayıruça iğ’tibarnı cälep itä. Bu cähättän “PKK/KCK”neñ Süriyä törkeme “PYD/YPG”neñ güya brigada komandirı "Şäyex Guyi" quşamatlı terrorçı İbrahim Babatnı qısqa waqıt êlek Süriyädä totıp alıp, Törkiyägä kiterüe – MİT milli küzläw oyışmasınıñ mömkinleklärendä häm sälätendä citkän êtabın kürsätüe yağınnan da bik möhim.

Awır häm qatlawlı geografiya cirlegendä urnaşqan Törkiyä geopolitik tiränlege bulmasın, raslawları cähätennän bulmasın, zur qarşılıqlar belän oçraşa. Şuña kürä dä êçendä häm dä yaqın geografiyada Törkiyäneñ milli mänfäğätlären saqlıy aluı öçen böten qoralların qullanuı zarur. Yomşaq köç qoralları, diplomatiya häm xärbi köçe belän ber rättän küzläw oyışmaları da bik zur ähämiyätkä iyä.

Bu cähättän Törkiyäneñ milli küzläw oyışması MİTneñ Törkiyäneñ däğ’waları häm aña yünälgän qarşı quyular belän köräş alıp baraçaq itep üseş aluın, qamilläşüen küräbez.

Bigräk tä 15nçe iyül’ tüntäreleş kereşüennän soñ yaña iminlek doktrinası qısalarında MİTkä citdi mäğ’nädä kapital salınıp, oyışmanıñ mömkinlekläre häm sälätendä dä citdi mäğ’nädä üseş turında äytergä bula. Keşe çığanaqları, resursları häm texnik mömkinlekläre citdi mäğ’nädä artqan MİT häm Törkiyä mäydanında, häm dä bigräk tä Ğıyraqta häm Süriyädä bik möhim operaśiyälärne tormışqa aşıra başladı.

Törkiyäneñ Ğıyraqta häm Süriyädä ütkärgän “Färat qalqanı”, “Zäytün botağı”, “Qatğıylıq xäräkäte” kebek zur çik ar’yağı operaśiyälärdä mäydanda bik möhim rollärne üz östenä alğan MİT ber ük waqıtta bigräk tä “PKK” terror oyışmasınıñ güya citäkçe kadrlarınıñ bilgelänelüe häm täêsirsez xälgä kiterelüe ölkäsendä dä zur êşlär başqardı.

MİTkä bäyle törkemnärneñ Törkiyä çik buyına 50 çaqrım tiränlektä Süriyäneñ Rakka töbägendä “PKK/KCK” terror oyışmasınıñ Süriyä törkeme “PYD/YPG”neñ güya brigada komandirı "Şäyex Guyi" quşamatlı terrorçı İbrahim Babatnı totqarlap, Törkiyägä alıp kilä aluı – şuşı mäğ’nädä terrorçılıq belän köräş cähätennän bik zur uñış buldı.

Şuşı şäxestän alınğan mäğ’lümatlär belän “PKK”nıñ şaqtıy yäşeren urını tar-mar itelde häm oyışma qatı qıynaldı. Êffektiv strategiya qısalarında terror oyışmasınıñ güyä lider kadrlarınıñ häm mäydandağı komandirlarınıñ täêsirsez xälgä kiterelüe oyışmanıñ idarä-kontrol’ qorılışın cimerep, xäräkät säläten häm terror köçen dä citdi külämdä azayttı.

Qısqası, Törkiyä kisken köç qorallarına kapital salıp, töbägendä totqarlawçı köç bulıp kütärelgän bulsa, MİT Milli küzläw oyışması da monıñ möhim küreneşlärennän bersenä äylände.

Can Acun

SETA säyäsät, iq’tisad häm cämğiyät tikşerenüläre waqıfınıň tışqı säyäsät tikşerenüçese