Иң бoрынгы төрeк эчeмлeгe - бoзa / İñ borınğı törek êçemlege - boza

Belengän iñ borınğı törek êçemleklärennän berse bulğan bozanıñ sälamätlek öçen bik küp faydası buluın belä idegezme?

Tarixı meñnärçä yıl äwwälgesenä barıp totaşqan boza tradiśion törek êçemlege. Bügenge köndä êlekke Ğosmanlı geografiyası belän Urta Aziyä cirläreneñ qayber töbäklärendä qullanıla. Qışqı könnärneñ waz kiçelmäs êçemlege bulğan boza Törkiyädä ğadättä sarı leblebi (qızdırılğan nut) belän bergä täq’dim itelä.

Boday mannıy yarması, su häm şikärdän yasalğan şuşı êçemlek ğadättä qış köne êçelä.  Fermentlanğan produkt bulğanlıqtan bik küp söt äçetü bakteriyläre bar. Bu çüprä häm söt äçetü bakteriyäläre näticäsendä immun sisteması köçäyä, organizmnıñ köç-küäte arta. Boza iyä bulğan şuşı faydalı bakteriyälär bez aşağan rizıqlar belän bezneñ organizmğa kergäm agulı (toksik), allergen häm kanśerogen matdälärne yuqqa çığara.

Boza şaqtıy tuqlandıruçı häm ênergiya birüçe êçemlek. Uglevodqa bik bay häm B vitaminı da bar. Şuña kürä bigräk tä tazarırğa teläwçelärgä, yäşüsmerlergä, xälsez buluçılarğa, yuğarı ênergiyalı diyeta belän tuqlanırğa tiyeş bulğannarğa häm bik küp êşläwçelärgä kiñäş itelä.

Boza - A, B törkeme, E vitaminnarı häm kalśium, timer, fosfor mineralläre cähätennän dä bay. İğ’tibar itelüe zarur mäs’älä - bozanıñ ışanıçlı häm gigiyena şartlarına yaraşlı itep yasalğan buluı.