Bu könne närsälär bulğan?

1517nçe yılnıň 31nçe üktäbr’ könne Martin Luther Wittenbergta 95 tezisın çirkäw qapqasına êlep quyıp, protestantlıqnı iğ’lan itä.

1831nçe yılnıň şuşı könendä Ğosmanlı imperatorlığı çikläre êçendä berençe törekçä gazet “Takvim-i Väkayi” çığa başlıy. “Takvim-i Väkayi” kübräk räsmi belderü-iğ’lannarnı bastıruı arqasında Ğosmanlı däwläteneň “Räsmi Gazetı” bularaq ta belenä.

1956nçı yılda bu könne Misır Däwlät başlığı Nasırnıň, naśionalizaśiyäläşterep, köymälärneň uzuına yabıp quyğan Süäeş kanalı Misır belän Angliya häm Franśiya arasında krizisqa yul aça. Angliya häm Franśiya kanalnıň qabat açıluın täêmin itü öçen Misırnı bombalıy başlıy.

1984nçe yılnıň şuşı könendä Hindstannıň berençe häm berdänber xatın-qız Baş ministrı İndra Gandhi ike sih tän saqçısı tarafınnan üterelä. Ütereştän soň hindular çığışı belän sih bulğan tınıç xalıqqa höcüm itä häm kilep çıqqan waqiğalarda (waqıyğalarda) 2 meň sihneň ğomere özelä.