Bu könne närsälär bulğan?

Bügen 2020nçe yılnıñ 10nçı avgustı. Bu kön tarixqa nindi waqıyğalar belän kerep qalğan?

1792nçe yılnıñ 10nçı avgustında Franśiyädä patşalıq rejimı tögällänä. Patşa Lui 16nçı yana idarä tarafınnan qulğa alına, xalıq Tyuil’ri sarayın talıy.

1914nçe yılda bu könne Urta diñgezdä Angliya flotınnan qaçuçı nemeślarnıñ Goben häm Breslau xärbi korabları Ğosmanlı imperatorlığına sıyına. Satıp alınuı iğ’lan itelgän älege köymälärgä “Yavuz” häm “Midilli” atamaları birelä. Bu ike korabnıñ soñınnan Qara diñgezgä çığıp, anda rus portların bombağa totuınnan soñ Rus patşalığı Ğosmanlığa qarşı suğış iğ’lan itä.

1920nçe yılnıñ 10nçı avgustında Berençe bötendön’ya suğışı tögällängännän soñ Ğosmanlı imperatorlığın bülgälänüen küzallawçı Sevr kileşüe imzalana. Anıñ nigezendä töreklärgä Anadoluda keçkenä genä ber cirlek birelä.

2014nçe yılda bu könne Törkiyä cömhüriyäte tarixında saylawçı täwge tapqır turıdan-turı ilbaşın sayladı. İlneñ 12nçe däwlät başlığı Räcäp Tayyip Ärdoğan buldı.