Bu könne närsälär bulğan?
Tarixta bügen - 22.05.2020
1418233
1885nçe yılnıñ 22nçe mayı – Böten dön’yağa tanılğan franśuz yazuçısı Viktor Gyugo 83 yäşendä Parijda wafat bula.
1927nçe yılnıñ 22nçe mayı – Qıtaynıñ Sinin töbägendä 7,9 zurlığındağı cir teträwdä yaqınça 41 meñ keşe ülä.
1960nçı yılnıñ 22nçe mayı – Çilidä tarixta bilgele iñ köçle cir teträw bula. 9,5 zurlığındağı zilzilä yaqınça 3 minut däwam itä. Tın okeanda biyeklege 25 metrğa citüçe śunami barlıqqa kilä. Ul Könçığış Afrika häm Gavayi yarlarına qadär barıp citä. Tabiğıy afät 5 meñ keşeneñ ğomeren özä.
1972nçe yılnıñ 22nçe mayı – Täwge tapqır AQŞ ilbaşı Sovetlar berlegenä räsmi säfär yasıy. Riçard Nikson atom-töş qoralların kimetüne küzallawçı SALT 1 kileşüen imzalaw öçen SSSR liderı Brejnevnıñ çaqıruı buyınça Mäskäwgä kilä.