Koronavirus hӓm “PKK” terrorı

Terror oyışmaları ğamӓl başqaru maqsatı belӓn törle forsatlardan faydalanırğa tırışa. Global’ krizisqa ӓwerelgӓn Kovid - 19 kizüe dӓ terror oyışmaları öçen törle forsatlar tudıra. “DEAŞ” Ğıyraqta soňğı aylarda terror höcümnӓren kötelmӓgӓn rӓweştӓ arttırdı. Şaqtıy analitik “DEAŞ”nıň arta baruçı terror höcümnӓren 2019 nçı yıldan xӓzerge waqıtqa qadӓr dӓwam itkӓn “strategiya üzgӓreşeneň “ dӓwamı itep kürsӓ dӓ koronavirus kizüeneň “DEAŞ”nıň êşen ciňelӓytüen ӓytergӓ mömkin.

”DEAŞ” belӓn bergӓ “PKK” terror oyışmasınıň hӓm Süriyӓdӓ, hӓm Törkyӓdӓge terror höcümnӓren soňğı aylarda arttıruı kürenӓ. Uzğan atnada Süriyӓdӓ Afrinda tınıç xalıqnı maqsat itep alğan “PKK” , ütkӓn atnada Törkiyӓne maqsat itep aldı hӓm Van qalasında koronavirus sӓbӓbe belӓn yӓrdӓm taratqan xezmӓtkӓrlӓrgӓ höcüm itte. Bu wazğiyӓt’ “PKK”nıň koronavirus kizüe sӓbӓbe belӓn barlıqqa kilgӓn bilgesezlektӓn yaňa strategiya belӓn faydalanırğa omtıluın kürsӓtӓ.

Säyäsi,iq’tisadi häm soŝial’ tikşerenülär waqıfı SETA direktorı, yazuçı, dośent doktor Murat Yäşeltaşnıň koronavirus hӓm “PKK” terrorı xaqında aňlatmasın täq’dim itäbez.

“PKK” terror oyışması küp yünӓleşle strategiya alıp bara. Bu strategiyӓlӓrneň berençesen “PKK”nıň Awrupada kizü aşa alıp barğan propagandası barlıqqa kiterӓ. “PKK”nıň Awrupa illӓrendӓge törkemnӓre Anti-Korona Awrupa koordinӓśiyӓse iseme astında korona küçӓrendӓ yaňa propaganda çeltӓre buldırğan.Ul olı yӓş’tӓge keşelӓr, xronik çirlӓre bulğan keşelӓr, sıyınu lager’larındağı keşelӓrne maqsat itep ala hӓm monda sośial’ media bik aktiv qullanıla.

Bu qısada “PKK” ayıruça Awrupanı koronavirus kizüe arqasında yaňa iğanӓ kampaniyӓse iseme belӓn logistika hӓm lobbi êşçӓnlege öçen yaňa matdi çığanaq itep oyıştıra. Bu kampaniyӓlӓrne “PKK” terror oyışmasınıň Awrupa xatın -qızlar törkemnӓre hӓm Awrupa ictimaği oyışmalar wӓkilçelege ütkӓrӓ. Kampaniyanıň üzӓgendӓ Germaniyanıň  Berlin şӓhӓre tora. “PKK” Berlinda koronavirus kampaniyӓsen alıp baru öçen krizis komissiyӓse tözegӓn.

“PKK”nıň ikençe strategiyӓse  isӓ -  turıdan -turı terror höcümnӓre. Ağımdağı yıl başınnan birle 9 terror höcüme başqarğan “PKK” alardan 5 esen Törkiyӓdӓ koronavirus oçraqları küzӓtelӓ başlağan 10 nçı marttan soň tormışqa aşırdı. Aprel’ ayında “PKK”nıň  Diyarbakırğa bӓyle ber awılğa oyıştırğan höcümendӓ isa turıdan turı tınıç xalıqnı maqsat itep alındı hӓm höcümda 5 keşeneň ğomere özelde.

”PKK”nıň Törkiyӓgӓ qarata ildӓn çittӓge höcüm maqsatında isӓ Tön’yaq Ğıyraqtağı Törek Qorallı Köçlӓre personalı bar. 25 nçe marttağı höcümdӓ 2 törek ğaskӓre, 24 nçe aprel’dӓge höcümdӓ isӓ 1 ğaskӓri şӓhit buldı.

 “PKK”nıň bu dӓwerdӓge barlıq höcümnӓren awıl cirlӓrendӓ başqaruı, şӓhӓrlӓrdӓ isӓ terror höcüme oyıştıru mömkinlegenӓ iyӓ bulmawı kürenӓ. Monıň töp sӓbӓbe – törek iminlek köçlӓreneň awıl cirlegendӓge operaśiya tizlegeneň yuğarı buluı. Bu rӓweşle “PKK”lı terrorçılar awıl cirlӓrendӓ tozaq qoru taktikası belӓn höcüm başqara.

Törkiyӓ iminlek köçlӓreneň dӓ “PKK” terror oyışmasına qarata operaśiyӓlӓre dӓwam itӓ. Ağımdağı yılnıň ğıynwar -may aylarında milli küzlӓw oyışması hӓm Törek Qorallı Köçlӓre Törkiyӓneň könyağında hӓm Ğıyraqnıň tönyağında ğıynwar ayında 44, fevral’ ayında 52, mart ayında 54 hӓm aprel’dӓ 71 bulu belӓn bergӓ tuplam 221 koordinaśiyӓle êçke hӓm çik ar’yağı operaśiyӓse başqardı. Operaśiyӓlӓr nӓticӓsendӓ könküreş ӓyberlӓre, 17 meň 502 êlemtӓ cihazı, ciňel qorallar hӓm 162 taktik terror êlementı yuq itelde.

Êçke êşlӓr ministrlığı qaramağında poliśiya hӓm jandarmeriya tarafınnan ildӓ hӓm çik buyı töbӓklӓrendӓge operaśiyӓlӓr “êzlӓ -tap- yuqqa çığar” operativ alımı belӓn dӓwam itӓ. Êçke êşlӓr ministrlığı mӓğ’lümatlarına kürӓ “Kapan” xӓrӓkӓtlӓre nӓticӓsendӓ ğıynwar ayında 7 meň 998 operasiyӓdӓ 45, fevral’ ayında 5 meň 584 awıl cirlegendӓ hӓm 1385 şӓhӓrlӓrdӓge operasiyӓlӓrdӓ 86, mart ayında 7 meň 119 awılllarda, 922 şӓhӓrlӓrdӓge operaśiyӓlӓrdӓ 52, aprel’ ayında 8 meň 163 awıllarda, 252 şӓhӓrlӓrdӓge operaśiyӓlӓrdӓ 34 “PKK”lı terrorçı tӓêsirsez xӓlgӓ kiterelgӓn.

”PKK” terror oyışmasınıň soňğı dӓwerdӓ Törkiyӓneň tӓêsirle terrorğa qarşı körӓşe sӓbӓbe belӓn xӓrӓkӓt itü mömkinlege bik tarayğan bulsa da monnan çığu yulı êzlӓwe kürenӓ. Kizüdӓn soň terror oışması êlementlarınıň awıl cirlӓrendage sıyınu mӓydannarına çigenüe hӓm uňay klimat şartlarına bӓyle rӓweştӓ “PKK” “yaňa strategiyӓsen” ğamӓlgӓ aşıru êtabına  küçü maqsatın quya. Fӓqӓt’ koronavirusı kizüennӓn soň barlıqqa kilӓçӓk yaňa regional’ sӓyӓsӓt, Ğıyraqtağı xӓzerge wazğiyӓt’ hӓm Süriyӓdӓ dӓwam itkӓn bӓreleşlӓr şartlarında “PKK” ӓlege maqsatına ireşӓ almayaçaq.