Bu könne närsälär bulğan?

1974nçe yılnıñ 1nçe martında AQŞnı teträtkän “Uotergeyt skandalı”nda täwge däğ’wa 7 keşegä qarata açıla. Waqıyğa başqala Vaşingtondağı Demokratlar partiyäse ğomum märkäzenä kergän häm firqaneñ telefonnarına yäşeren mikrofon urnaştırğan 5 keşeneñ poliśiyä tarafınnan saq astına alınuı belän kön üzägenä kilä. İlbaşı Nikson idaräseneñ monı yäşerep qaldırırğa mataşuınnan soñ şaw-şu üsä. Nikson xalıqnıñ säyäsi teläktäşlegen tulısınça yuğalta häm 1974nçe yılnıñ 9nçı avgustında wazıyfasınnan kitärgä mäcbür bula. Skandalda tulayım 69 keşe ğayeplänä. Mäxkämälär näticäsendä Nikson idaräsendäge yuğarı däräcäle 48 keşegä qarata xökem çığarıla.    

2003nçe yılda bu könne Törkiyä Böyek Millät mäclese AQŞnıñ Ğıyraqqa xärbi xäräkäte belän bäyle räweştä çit il ğaskärlären Törkiyädä urnaştıru häm törek ğaskäriläreneñ çit ilgä cibärelüe turındağı xökümät kürsätmäsen kire qağa. Bu qarar Törkiyä belän AQŞ mönäsäbätlärendä “Kürsätmä krizisı” dip ataluçı prośess başlanğıçı bula.   

2012nçe yılnıñ 1nçe martında törek lirasın tanıtu maqsatı belän oyıştırılğan yarış näticäsendä aqça berämlegeneñ simvolı bilgelände.