Bu könne närsälär bulğan?

Bügen 2020 nçe yılnıñ 16 nçı ğıynwarı. Bu kön tarixqa nindi wağıyğalar belän kerep qalğan soñ?

1804 nçe yılnıñ 16 nçı ğıynwarında franśuz ximik häm fizik Djozef Lui Gey-Lyussak vodorod ballonı belän 7 meñ 176 metr biyeklekkä kütärelep rekord quya. Monnan soñ 50 yıl buyı rekord quyılmıy.

1928 nçe yılnıñ älege könendä êlekke Sovetlar Berlegendä Stalin citäkçelekne üz qulına töşerä. Aralarında Stalin belän xakimiyät köräşenä kergän Lev Trośkiy da bulğan oppoziśion säyäsätçelärne ildän çitkä sörgengä cibärü qararı qabul itelä. 20 nçe ğıynwarda sörgengä cibärelgän Trośkiy xatını häm ulı belän 14 nçe fevral’dä Törkiyägä kilä.Trośkiy 4 yıl yarım İstanbulda yäşi.

Liviyada 1969 nçı yıldağı tüntäreleş belän İrekle ofiśerlar xäräkäte isemennän citäkçelekne üz qulına töşergän Muammer Kaddafi 1970 nçe yılnıñ älege könendä yaña Töp Qanun ğamälgä kergannän soñ prem’yer-ministr häm saqlanu ministrı wazıyfaların başqara. 40 yıldan kübräk Liviyanıñ berdänber liderı bulğan Kaddafi 2011 nçe yılda ildä kilep çıqqan baş kütärüdän soñ Sirte qalasına qaça häm anda üterelä.

1991 nçe yılnıñ 16 nçı ğıynwarında  Amerika Quşma Ştatları häm berlektäşläre Kuveytnı basıp alğan Ğıyraqqa qarşı “Çül dawılı” xäräkäte başlata. Xäräkättä iñ berençe raketa höcümnäre başqarıla. Berençe Farsı qultığı suğışı bularaq tarixqa kerep qalğan “Çül dawılı” xäräkäte başlanğannan soñ Ğıyraq armiyäse dä İzrailne Scud raketaları belän maqsat itep ala.