Bu könne närsälär bulğan?

--- 1920nçe yılnıň 10nçı ğinwar’ (ğıynvar’) könne 1nçe Bötendönya suğışınnan soň yaňa suğışlarnı totqarlaw maqsatınnan çığıp üzäge Şveyśariyadä urnaşqan “Millätlär cämğiyäte” tözelä. 1nçe Bötendönya suğışı ciňüçeläre qorğan Millätlär cämğiyäte Awrupada artqan avtoritar rejimnar häm sankśiya köçeneň bulmawı arqasında qısqa waqıtta uňışsızlıqqa duçar bula. 1946nçı yılda Cämğiyätneň tarqatıluı qararına kilenä.

---1921nçe yılnıň şuşı könendä Grek ğaskäre belän daimi törek armiyası arasında 6nçı ğinwardä başlanğan bäreleşlär grek xärbi berlekläreneň İnönü töbägendäge törek nığıtmalarına yasağan höcümnäre belän kul’minaśiyasion öleşenä ireşä. Polkovnik İsmät İnönü citäkçelegendäge törek ğaskäreneň qarşılıq kürsätüen cimerä almağan grek köçläre kire çigenergä mäcbür bula. Törkiyäneň azatlıq suğışı tarixına bu waqiğa (waqıyğa) 1nçe İnönü ciňüe bularaq uza. 1nçe İnönü suğışı Mostafa Kemal Paşanıň äydäp baruçanlığındağı Törkiyä Böyek Millät Mäclese xökümäte tarafınnan tözelgän daimi ğaskärneň qazanğan berençe ciňüe.

--- 2009nçı yılnıň 10nçı ğinwarendä 1951nçe yılda törek watandaşlığınnan çığarılğan tanılğan şağir Nazım Hikmät Ran

 “Räsmi Gazete”dä basılğan qarar belän ülemennän 46 yıldan soň yaňadan Törkiyä watandaşı bula.