Bu könne närsälär bulğan?

Bügen 2019 nçı yılnıñ 17 nçe dekabre. Bu kön tarixqa nindi waqıyğalar belän kerep qalğan soñ?

1273 nçe yılnıñ 17 nçe dekabrendä tanılğan fiker iyäse,şağıyr’, sufıylıqnıñ aldınğı wäkillärennän berse Mäwlana Cäläletdin Rumi Konyada mäñgelekkä küzlären yoma. Anıñ ülemne qawışu waqıtı bularaq qabul itüe säbäbe belän ülem köne  “Şäb- i Arus” yäğ’ni Tuy kiçäse dip yörtelä.

1760 nçı yılnıñ älege könendä 1479 nçı yılda äzerlänüe bilgelängän Aśtek kalendare Mexikoda tabıla. 25 tonna awırlığındağı taşqa basılğan kalendar’ ber Qoyaş yılın 365 köngä bülü säbäple arxeologiya ölkäsendä zur ähämiyätkä iyä.

1770 nçe yılnıñ 17 nçe dekabrendä tanılğan pianist häm kompozitor Lyudvig van Betxoven Germaniyanıñ Bonn qalasında dönyağa kilä.

1830 nçı yılnıñ bu könendä Kön’yaq Amerika qıytğasındağı 6 il qoruçı lider bularaq qabul itkän Simon Bolivar 57 yäşendä wafat bula.

1903 nçe yılnıñ älege könendä Rayt bertuğannar täwge motorlı oçqıçnı AQŞnıñ Tön’yaq Karolina ştatında oçıra. 12 sekund däwam itkän oçışta 37 metr yul uzıla. Şul uq könne ütkärelgän soñğı sınap qarawda 59 sekund hawada qalğan oçqıç 280 metr oça.

1965 nçe yılnıñ 17 nçe dekabrendä Berläşkän Millätlär Oyışması Törkiyäneñ Kiprğa xärbi kereşü başqara almawı turında qarar qabul itä. Törkiyä bu qararnı kire qağıp London häm Śyurix kileşülärendä urın alğan garantlıq xoquqların qullanaçağın böten dönyağa iğ’lan itä.

1980 nçe yılnıñ bu könendä Törkiyäneñ Sidneydağı baş konsulı Şarık Arıyak häm saqçı poliśiya xezmätkäre Êngin Severne ärmän terror oyışması “ASALA” terrorçıları şähit itä.