Bu könne närsälär bulğan?

--- 1893nçe yılnıň 15nçe dekabr’ könne Orxon yazuları täwge tapqır uqıla. Lingvist häm tyurkolog Wil’gel’m Ludwig Tomsen Daniya patşalığı fännär akademiyasına täq’dim itkän beldergese belän Küktörek älifbasın çişüen häm borınğı yazularnı uquın belem dönyasına açıqlıy. Yazulardan Bilgä Qağan yazuınıň könçığış bitendä şuşı süzlär bula: “Törek uğız bäyläre, xalqı, işetegez! Öskä kük kilep töşmi torıp, astta cir tişelmiçä torıp, törek xalqı, sineň däwläteňne, qanunnarıňnı kem cimerep boza ala”.

--- 1941nçe yılnıň şuşı könendä Rumıniyadan Fälästingä taba yulğa çıqqan häm yaqınça 800 yähüd utırğan “Struma” isemle köymä İstanbul kiňlegendä motornıň bozıluı arqasında tuqtap qalırğa mäcbür bula. Xalıqara basımnar arqasında törek xökümäte yulçılarnıň ciröstenä çığuına röxsät birmi, läkin köymägä här kön aşamlıq cibärä.

--- 1989nçı yılnıň 15nçe dekabrendä Rumıniyada diktator Nikolay Çavuşesku häm xatını Elenanıň 25nçe dekabr’dä atıp üterelüe belän tögällänäçäk xalıq baş kütärüe başlana. Berençe könne kilep çıqqan waqiğalarda (waqıyğalarda) 115 keşeneň ğomere özelä.

--- 1992nçe yılnıň şuşı könendä TRTneň berençe ğomum mödire Adnan Öztrak 77 yäşendä wafat bula.

--- 1995nçe yılnıň 15nçe dekabr’ könne Awrupa ğadälät mäxkämäse Bel’giya futbolçısı Bosman açqan däğ’wa xaqındağı qararın açıqlıy. Sport dönyasına “Bosman qağidäläre” bularaq uzğan qararğa kürä, Awrupa Berlege äğ’zase illärneň milli ligalarında transfer itelgän futbolçınıň Awrupa Berlege watandaşı buluı şartı belän çit il sportçısı çikläwe beterelä. Futbolçılarnıň kileşüläre betkän çaqta transfert aqçasın tülämiçä telägän klubka küçä alu yulı açıla.