Bu könne närsälär bulğan?

--- 1799nçı yılnıň 14nçe dekabr’ könne Amerika Quşma Ştatlarınıň qoruçı liderı häm berençe ilbaşı Djordj Waşington wafat bula.

--- 1911nçe yılnıň şuşı könendä “Viking” quşamatlı Norvegiyalı ilgizär Roald Amundsen, tön’yaq-könbatış sızığın uzıp, Kön’yaq qotıbınıň nol’ noqtasına barıp citä.

--- 1935nçe yılnıň 14nçe dekabrendä futbol tarixında berençe tapqır ingliz futbol taqımı “Arsenal” “Aston Villa”nı 7-1 isäbe belän ota. “Arsenal”nıň 7 golen dä Ted Dreyk kertä.

--- 1953nçe yılnıň şuşı könendä “İş bankı” akśiyäläre belän bergä CHP “Cömhüriyät xalıq” partiyasına qarağan milekneň Kaznağa tapşırıluın küzdä totqan qanun Törkiyä Böyek Millät Mäclesendä qabul itelä. Finans ministrlığınıň 29nçı dekabr’gä xätle tapşırıluı şartı arqasında “Ulus” häm “Son Havadis” gazetları belän “Karagöz” jurnalı soňğı sannarın çığara.

--- 1954nçe yılnıň 14nçe dekabr’ könne Kipr mäs’äläse Berläşkän Millätlär Oyışmasında quzğatıla. Törkiyä wäkile Sälim Sarpär: “Kipr Törkiyä yar buylarına 40 mil, Greśiyağa isä 600 mil yıraqlıqta. Bu utraw Greśiyanıqı bula almıy” süzläre belän Ênozis xıyalına qarşı Törkiyäneň totışın kürsätä.

--- 1960nçı yılnıň şuşı könendä Bosfor buğazında Greśiya häm Yugoslaviya neft’ tankerları bäreleşä. Kontroldän çıqqan tankerlar yanındağı Tarsus yulçı köymäseneň dä yanuına säbäp bula. Qazada 52 keşeneň ğomere özelä. Diňgezgä tügelgän tonnarça kerosin 52 kön buyı yana.

--- 1960nçı yılnıň 14nçe dekabrendä AQŞ, Kanada, Törkiyä, urtaq bazar äğ’zase 9 il häm Awrupa irekle säwdä berlege äğ’zase 7 il, qısqa iseme OECD bulğan İq’tisadi xezmättäşlek häm üseş oyışmasınıň tözelüe öçen Parij kileşüenä qul quya.

--- 1981nçe yılnıň şuşı könendä İzrail citäkçelege 1967nçe yılda “6 kön suğışı”nda basıp alğan Golan qalqulıqların üz cirlärenä quşuın açıqlıy. İzrail Parlamentı anneksiya qararın şul uq könne raslıy.

--- 1989nçı yılnıň 14nçe dekabrendä keşe xoquqların saqlawçı häm Nobel’ tınıçlıq büläge iyäse, sovet ğalime Andrey Saxarov 67 yäşendä wafat bula.

--- 1995nçe yılnıň şuşı könendä Yugoslaviyada 3 yıl xökem sörgän watandaşlar suğışın tuqtatqan Däyton tınıçlıq kileşüe Aliya İzzetbegoviç, Slobadan Miloseviç häm Fran’yo Tudjman arasında imzalana.

--- 2005nçe yılnıň 14nçe dekabr’ könne “Trevanian”  mahlas iseme belän “Şibumi”, “Katyanıň cäye” häm “Xisaplaşu” kebek ädäbiyat dönyasına tanılğan äsärlär qaldırğan Amerika Quşma Ştatları yazuçısı Rodni William Whitaker 74 yäşendä wafat bula.