Bu könne närsälär bulğan?

1864 yılda bu könne AQŞ tarixındağı iň zur İndeyeṡ küpläp üterüe başqarıla. AQŞ armiyase yaqlawsız qızıl tänlelär awılına höcüm itä, aralarında xatın-qız häm bala-çağa da bulğan 500 indeyeṡ üterelä.

1937 yılnıň 29 noyabr’ könne Hataynıň bäysezlege öçen berençe adım yasala häm üzidaräle citäkçelek êşkä kereşä.

1947 yılda älege könne Berläşkän Millätlär Oyışması ğaräplärneň qarşı çığuına qaramastan Fälästinneň bülenüe häm bäysez İzrail däwläteneň qorıluına qarar birä.

Bu qarar bügenge köngä qadär däwam itüçe bäreleşlärneň başlanuına säbäpçe bula.

1963 yılnıň 29 noyabr’ könendä AQŞ däwlät başlığı Lindon Djonson Kennedi höcümen tikşerü öçen “Worren komissiyase” dip ataluçı wäkillekkä wazifa birä.

1981 yılda bu könne 3 tapqır Oskarğa namzät bulğan aktrisa Natali Wud diňgez qazasında yaqtı dön’yadan kitä.

Ozaq yıllar barğan tikşerü näticäsendä poliṡiya anıň ülemendä tormış iptäşe Robert Vagnernıň şöbhäle keşe buluın açıqlıy.

2012 yılnıň 29 noyabrendä Fälästin däwläte BMO ğomüm şurasına küzätüçe äğza bularaq qabul itelä.

2016 yılda älege könne Braziliya futbol törkeme Şapekoênse utırğan häm Kolumbiyadağı Kön’yaq Amerika kuboğı finalına baruçı oçqıç kilep töşä. Oçqıçtağı 81 keşedän 76ısınıň ğomere özelä. Faciğadan 3 kenä futbolçı isän-saw qotıla.