Bu könne närsälär bulğan?

Bügen 2019 nçı yılnıñ 19 nçı noyabre. Bu kön tarixqa nindi waqıyğalar belän kerep qalğan soñ?

1092 nçe yılnıñ 19 nçı noyabrendä Sälcuqlı imperatorlığı xökemdarı Mälikşah Bagdatta ülä.

1900 nçe yılnıñ älege könendä saylaw häm saylanu xoquqı taläp itkän 119 xatın – qız protestçı Böyekbritaniyäneñ cämğiyät’ pulatına bärep kergän öçen saq astına alına.

Berençe bötendönya suğışınnan soñ krizis başlanğaç Gemaniya iq’tisadı bik qaqşıy.1923 nçe yılnıñ 19 nçı noyabrendä Germaniya markası zur külämda qıymmät yuğalta häm 1 amerika dolları 4,2 trillon alman markası bula.

1938 nçe yılnıñ älege könendä Mostafa Kämal Atatörekneñ gäwdäse İstanbuldan Änkarağa cibärelä.

1967 nçe yılnıñ 19 nçı noyabrendä Törkiyä Böyek Millät Mäclese Kiprda kiyerenkelek artu säbäple xökümätkä çit ilgä ğaskär cibärü wäqaläte birä. Änkaradağı 28 nçe diviziya İskändärunnan yulğa çığa.

1977 nçe yılnıñ bu könendä Portugaliya hawa yulları oçqıçı Maderada kilep töşä. Qazada 130 keşe ülä.

1984nçe yılnıñ 19 nçı noyabrendä ärmän terrorçılar Venadağı Berläşkän Millätlär Oyışması ofisında wazıyfa başqaruçı törek diplomat Änvär Ärgunnı şähit itä.

1985 nçe yılnıñ älege könendä AQŞ ilbaşı Ronal’d Reygan belän Sovetlar Berlege däwlät başlığı Mixail Gorbaçyev täwge tapqır Jenevada oçraşa.Liderlar 2 kön däwam itkän söyläşülärdän soñ strategik atom-töş qoralların 50%qa kimetü qararı qabul itä.

1994 nçe yılnıñ 19 nçı noyabrendä Halil Mutlu Bötendönya awır atletika çempionatında 7 dönya rekordı quya.

1997 nçe yılnıñ bu könendä Amerika Quşma Ştatlarında Bobbi MakKogi ber’yulı 7 bala tudıra. Bu isä barlıq bäbilär isän-saw kileş dönyağa kilgän täwge 7 bäbi tudıru oçrağı bularaq terkälä.

2005 nçe yılnıñ 19 nçı noyabrendä Ğıyraqnıñ basıp alınuınnan soñ Hadisa qasabasında Amerika ğaskärläre  24 xatın-qız häm balanı üterä.Waqıyğada 4 ğaskäri ğayeplänä, ämma alar sud’ya qarşına da çıqmıyça aqlana.