Bu könne närsälär bulğan?

--- 1821nçe yılnıň 11nçe noyabr’ könne “Cinayät’ häm cäza”, “Karamazov tuğannar” häm  “İdiot” kebek klassik äsärlär avtorı,

urıs yazuçısı Fyodor Dostoyevski Mäskäwdä dönyağa kilä.

---1914nçe yılnıň şuşı könendä Ğosmanlı imperatorlığı Antanta däwlätlärenä räsmi räweştä suğış iğ’lan itä.

--- 1918nçe yılnıň 11nçe noyabrendä Germaniya belän Antanta däwlätläre arasında 1nçe Bötendönya suğışın tuqtatqan kileşü Franśiyada imzalana.

--- 1947nçe yılnıň şuşı könendä Törkiyä İMF Xalıqara valyuta fondına äğ’za bula.

--- 1973nçe yılnıň 11nçe noyabr’ könne İzrail belän Misır arasında Yom Kippur suğışın tämamlağan utnı tuqtatu kileşüenä qul quyıla.

--- 2004nçe yılnıň şuşı könendä Fälästin azatlıq oyışması liderı häm Fälästin däwläteneň berençe Däwlät başlığı Yaser Arafat däwalanğan Franśiyada wafat bula. Arafatnıň mäyete Qahirädä oyıştırılğan cıyınnan soň Ramallahta cirlänä. Yaser Arafatnıň ülemennän soň Mahmud Abbas başta Fälästin azatlıq oyışmasınıň liderı, annan soň Fälästän İlbaşı bula.

--- 2005nçe yılnıň 11nçe noyabrendä İslamiyätneň berençe däwerlären aňlatuçı “Çaqıru” häm Liviya qarşılıq kürsätüeneň simvol iseme Ömär Muhtarnıň tormışı aňlatılğan fil’mı belän dönyaküläm şöhrät qazanğan rejissyor Mustafa Aqkad 75 yäşendä Omanda wafat bula.

--- 2016nçı yılnıň şuşı könendä “PKK” terrorçılarınıň bombalı höcüme näticäsendä awır yaralanğan Mardin Därik cirle idaräse başlığı Fatih Safitürk şähit bula.