Bu könne närsälär bulğan?

--- 1839nçı yılnıň 3nçe noabr’ könne Ğosmanlı imperatorlığında ''Gülhanä Hatt-ı Hümayunu'' açıqlandı. Tänzimat däweren başlatqan açıqlaw belän ildäge demokratiyäläşü tırışuları berençe tapqır qanuni nigezgä salına.

--- 1957nçe yılnıň şuşı könendä Sovetlar Berlege ikençe yasalma iyärçen “Sputnik 2”ne ğalämgä oçırta. Bu iyärçendä ğalämgä kitkän berençe xayvan bulğan Layka isemle êt tä bula.

--- 1982nçe yılnıň 3nçe noyabrendä Hindukuş tawlarınnan uzğan häm Äfğanstannıň tön’yağı belän kön’yağın ber-bersenä totaştırğan Salang tunnelendä yanğın çığa, 2 meňnän kübräk keşeneň ğomere özelä.

--- 1983nçe yılnıň şuşı könendä dönyanıň 5nçe zur böyäse Atatörek böyäse häm gidroêlektr stanśiyasınıň nigeze salına. 11 yılda salınğan böyäneň kül mäydanı 817 kvadrat çaqrım.

--- 1985nçe yılnıň 3nçe noyabr’ könne ike franśuz agentı Yaňa Zelandiyada “Greenpeace” köymäse “Rainbow Warrior”nı batırudan gäyeple dip tabıla.

--- 1992nçe yılnıň şuşı könendä Illinois senatorı demokrat Karol Moseley-Braun AQŞ Senatına saylanğan berençe qaratänle xatın-qız bula.

--- 1996nçı yılnıň 3nçe noyabr’ könne Balıkäsir Susurlukta barlıqqa kilgän  maşina qazasında iminlek mödire Xösäyen Kocadağ belän bergä 3 keşe ülä, DYP Şanlıurfa xalıq ışanıçlısı Sädat Ädip Bucak yaralana. Ülüçelärdän berseneň Mäxmät Özbay isemenä yalğan tanıqlığı bulğan Abdullah Çatlı buluı bilgele bula. Qaza törek säyäsi tarixına "Susurluk waqiğası” iseme belän kerep qala.

--- 2002nçe yılnıň şuşı könendä Törkiyädä waqıtınnan êlek ğomum saylaw ütkärelä. Barı tik “CHP” häm yaňa tözelgän “AQ” partiya Törkiyä Böyek Millät Mäclesenä kerä. 363 xalıq ışanıçlısı belän “Aq” partiya üze genä xökümät tözü küpçelegenä dä iyä bula.