Bu könne närsälär bulğan?

Bügen 2019 nçı yılnıñ 14 nçe oktyabre. Bu kön tarixqa nindi waqıyğalar belän kerep qalğan soñ?

1913 nçe yılnıñ 14 nçe oktyabrendä Angliyanıñ Sengenidd kümer şaxtasında küzätelgän qazada 439 keşeneñ ğomere özelä.

1933 nçe yılnıñ älege könendä Adol’f Gitler Genuya qoralsızlanu konferenśiyäsendä qatnaşmawın häm Germaniya millätlär ligasınnan çığuın belderä.

1947 nçe yılnıñ 14 nçe oktyabrendä AQŞ pilotı häm sınap qarawçısı Çarl’z Êlvud Yeger tawış tizlegen uzıp kitkän täwge keşe bula.

1964 nçe yılnıñ bu könendä amerikalı monax Martin Lyuter Kingka Nobel’ tınıçlıq büläge birelä.

1968 nçe yılnıñ 14 nçe oktyabrendä AQŞ sportçısı Djim Xayns Meksikada uzğan olimpiadada 100 metrnı 10 sekundtan azraq (9,95 sekund) waqıtta yögergän berençe keşe bula. Yaña rekord 1983 nçe yılda quyıla. 

1973 nçe yılnıñ älege könendä Tailand universitetı uquçı yäş’läreneñ demokratik xökümät öçen rizasızlıq belderü çarasında 77 keşe ülä, 857 keşe yaralana.

1981 nçe yılnıñ 14 nçe oktyabrendä Änvär Sedat üterelgännän soñ Hüsnü Möbaräk Misır ilbaşı bula. Ul bu wazıyfanı 30 yıl başqara.