Bu könne närsälär bulğan?

Bügen 2019 nçı yılnıñ 24 nçe avgustı. Bu kön tarixqa nindi waqıyğalar belän kerep qalğan soñ? 

79 nçı yılnıñ 24 nçe avgustında Vezuviy yanartawı şartlaw näticäsendä Pompei,Stabii häm Gerkulanum şähärläre yuqqa çığa.

1516 nçı yılnıñ älege könendä Yavuz Soltan Sälim citäkçelegendäge Ğosmanlı armiyäse Mercidabık suğışında Mämlük armiyäsen ciñä. Süriyä,Livan häm Fälästin Ğosmanlı xakimiyätenä kerä.

1572 nçe yılnıñ 24 nçe avgustında Franśiyada katoliklar Patşa Çarl’z 9 nçınıñ boyırığı belän qoralsız protestantlarğa höcüm itä, un meñnärçä keşe üterelä.

1814 nçe yılda älege könne Angliya belän AQŞ arasında çıqqan suğışta ingliz köçläre Vaşingtonnı basıp ala.

1899 nçı yılnıñ 24 nçe avgustında “Qom kitabı” häm “Afät” kebek şaqtıy äsärläre belän tanılğan Xorxe Luis Borxes Argentinada dönyağa kilä.

1929 nçı yılnıñ bu könendä Fälästin köräşeneñ simvolı bulğan Yaser Arafat Misırda tua.

1949 nçı yılda älege könne Tönyaq atlantik kileşüe belän NATO qorıla.

 1991 nçe yılnıñ 24 nçe avgustında Sovetlar Berlege däwlät başlığı Mixail Gorbaçev Kommunistlar partiyäsen tarqatunı sorıy häm partiyäneñ ğomum särqätibe wazıyfasınnan kitä. Şul uq könne Êstoniya, Latviya häm Ukraina Sovetlar Berlegennän çığuların iğ’lan itä.

2016 nçı yılnıñ 24 nçe avgustında Törkiyä armiyäse Süriyädäge “DEAŞ” häm “PYD”  terror oyışmalarına qarşı “Färat qalqanı” operaśiyäse başlata.