Bu könne närsälär bulğan?

1302nçe yılnıñ 27nçe iyülendä Ğosmanlı bäylege belän Vizantiyä imperatorlığı arasındağı Koyunhisar suğışı Osman Gazinıñ ciñüe belän tögällänä.

1921nçe yılda bu könne Toronto universitetınnan bioximik Frederik Banting citäkçelegendäge tikşerenüçelär törkeme insulin gormonın açuların belderä.

1949nçı yılnıñ 27nçe iyülendä dön’yadağı täwge reaktiv motorlı yulçı oçqıçı “De Havilland Comet” berençe tapqır hawağa kütärelä.

1964nçe yılda bu könne AQŞta qara tänlelär federal’ mäxkämägä möräcäğat’ itü xoquqı ala.

1976nçı yılnıñ 27nçe iyülendä AQŞta Törkiyäneñ Cömhüriyät xalıq partiyäse räise Bülänt Äcävitne çığış yasağan waqıtta kiprlı grek Staviros Skopetrides üterergä mataşa.

1996nçı yılda bu könne Atlanta Olimpiyä parkında bulğan şartlawda 2 keşeneñ ğomere özelä. Waqıyğa urınına yögerep barğan TRT operatorı Mälix Uzunyol yöräk öyänägennän ülä.