Bu könne närsälär bulğan?

Bügen 2019 nçı yılnıñ 16 nçı martı. Bu kön tarixqa nindi waqıyğalar belän kerep qalğan soñ?

Ğosmanlı imperatorlığı häm Antanta däwlätläre arasında imzalanğan Mondros kileşüennän soñ Ğosmanlı başqalası İstanbul 1920 nçe yılnıñ 16 nçı martında ikençe tapqır basıp alına.

1921 nçe yılnıñ 16 nçı martında Sovet Sośialistik Cömhüriyätlär Berlege Änkara xökümäten räsmi räweştä tanıy häm Mäskäw kileşüenä imza salına.

1968 nçe yılnıñ älege könendä V’yetnam suğışı waqıtında My Lai küpläp üterüe tormışqa aşa. Amerika ğaskärläre başqarğan küpläp üterüdä tınıç xalıqtan 347 keşe üterelä.

1988 nçe yılnıñ 16 nçı martında Ğıyraqnıñ Halepçä qasabası ağulı gaz bombaları töyälgän 8 oçqıç belän bombağa totıla. Saddam Xösäyen ämere belän oyıştırılğan höcümdä 5 meñnän kübrak keşe ülä, 7 meñnän kübräk keşe yaralana.

2014 nçe yılda bu könne Qırım bäxäsle referendum belän Ukrainadan çığıp Rusiyägä quşılunı qabul itä.

1998 nçe yılnıñ 16 nçı martında törek fol’klorçı, xalıq ädäbiyätı häm fol’klor tikşerenüçese Pertev Naili Boratav wafat bula. Ul 2000 äkiyät,40 xalıq xikäyäse, balalar uyınnarı, xalıq cırları, teatrlar,anekdot, şiğır’lärdän torğan bik bay arxiv buldıra.