Bu könne närsälär bulğan?

1193nçe yılnıñ 4nçe mart könne Äyyubi däwlätenä nigez saluçı, täre höcümnärenä qarşı torğan Sälahaddin Äyyubi wafat bula.

1774nçe yılnıñ 4nçe mart könne Orion tomanlığı (yoldızlar tuplanışı) Germaniyada tuğan ingliz astronomı, teleskop yasawçısı häm kompozitor William Herşel’ tarafınnan berençe tapqır küzätelä.

1877nçe yılnıñ 4nçe mart könne Pyotr İlyiç Çaykovskineñ äsäre “Aqqoş küle” baletı täwge tapqır kürsätelä. Mäskäwdäge Rusiyä patşa teatrınıñ, xäzerge iseme belän “Bolşoy baletı” teatrınıñ 1875nçe yılda birgän zakaz nigezendä yazılğan äsärneñ täwge tapqır täq’dir itelüe 1877nçe yılda Mäskäwdä bula. Berençe märtäbä säxnägä quyılğanda uñışlı dip tabılmağan äsär repertuardan çığarıla häm kompozitor, uñışsızlıqtan üz muzıkasın cawaplı totıp, 12 yıl buyı başqa balet äsärenä köy yazmıy.

1882nçe yılnıñ 4nçe mart könne Angliyada berençe êlektrlı tramvay xezmätkä kerä.

1924nçe yılnıñ 4nçe mart könne “Soñğı Ğosmanlı xälife” dip tarixqa uzğan Xälif Abdülmäcit Äfände häm Ğosmanlı dinastiyäse äğ’zaläre çit ilgä cibärelä.

1924nçe yılnıñ 4nçe mart könne “Happy Birthday to You" cırı Kleyton F. Summi tarafınnan yazıla.  “Happy Birthday to You" ğadättä tuğan könnärdä qotlaw maqsatı belän cırlanğan tradiśion cır. İngliz telendä iñ küp belengän cırnıñ süzläre kim digändä 18 telgä tärcemä itelä.

1981nçe yılnıñ 4nçe mart könne Törkiyäneñ Parij êş attaşese Reşat Moralı “ASALA” ärmän terror oyışması suğışçılarınıñ höcüme näticäsendä häläq’ bula. Waqiğada (waqıyğada) awır yaralanğan din wazıyfalısı Täcälli Arı da ber könnän soñ ülä.

1992nçe yılnıñ 4nçe mart könne inkviziśiya basımı arqasında İspaniyadan qaçıp Ğosmanlı imperatorlığına sıyınğan yähüdlär Törkiyägä kilüläreneñ 500 yıllığın qotlıy.

1997nçe yılnıñ 4nçe mart könne Amerika Quşma Ştatları İlbaşı Bill Klinton keşe klonlaştıru tikşerenülären tıya.

2012nçe yılnıñ 4nçe mart könne Vladimir Putin ütkärelgän saylaw näticäsendä Rusiyädä 59,3% tawış belän 2nçe tapqır Däwlät başlığı bulıp saylana.