Bu könne närsälär bulğan?

14nçe fevral’ bik küp illärdä ğaşıyqlar köne bularaq bilgeläp ütelä. Anıñ tamırları Rim katolik çirkäwenä barıp totaşa. Valentin isemle ruxani Rim ğaskärläreneñ öylänüe tıyılğan çorda alarnıñ söygännäre belän qawışuına yärdäm itä. Legendada äytelgänçä, ruxani ğaşıyqları yäşeren räweştä öyländergän öçen ülemgä xökem itelgän. Ämma bu könneñ romantik söyü häm Valentin belän bernindi bäyläneşe yuq digän farazlar da bar. 14nçe fevral’ Franśiyä häm Angliyädä, tradiśion bularaq, qoşlarnın parlaşu köne dip atala. Ğaşıyqlar da bu könne ber-bersenä matur süzlär yazılğan xatlar tapşırunı ğadätkä kertkän.

1946nçı yılnıñ 14nçe fevralendä êlektr belän êşläwçe häm êlekrton mäğ’lümat citkerüçe täwge komp’yuter AQŞnın Pensil’vaniya universitetında tanıtıldı. ENIAK iseme birelgän älege cihaz yaqınça 167 kvadrat metr zurlığındağı mäydannı alıp tora. Awırlığı 30 tonna. Komp’yuter İkençe bötendön’ya suğışı waqıtında Amerika ğalimnäre tarafınnan icat itelä. Anıñ öleşläre xäzer Vaşingtondağı milli muzeyda saqlana.

2004nçe yılda bu könne Gamburgta tuğan törek rejissyer Fatix Akınnıñ “Divarğa qarşı” kinokartinası Berlin xalıqara fil’m festivalendä ciñü yawlap “Altın ayu” bülägen aldı.