Nogayşa 155: Nege namaz kılamız? (1)

►Nogayşa 155: Nege namaz kılamız? (1)

“Namaz dindiñ diregi”    

Degen hadis baresinde,

Bîr alimdiñ aytqanları    

Nav maneler bolgan:

“Namaz neşe qıymatlı,     

Tagı mühim bolganını,

Em ne qadar ucuz,    

Köp az bîr masrappan   

Qazanılganını,

Em namazsız adam,     

Köp divane bolganını,

Em neşe bîr zararga       

Tüsüp ugraganını,

Eki kere eki      

Tört eder darecede,    

Üşün añlasam desen,

Nav temsili hiqayege,    

Qara em sen de kör:

Bîr zaman bîr üyken,  

Em maramatlı bîr hakim,   

Eki qızmatşısını,

Är bîrevine yırma tört   

Altın berip özlerinden      

Eki ay erekte,   

Bîr yahşı şiplikte     

Yaşaganların tilep    

Sosı yerge yibergen...

Yibermesten avvel em,      

Nav kepte emir etken:

Sosı altınlardı siz,     

Ketiyek yolda qarcanız!  

Bîr de bilet alınız!

Em barayagınız qonaqqa      

Kerek zatlar alınız!

Bîr künlük bîr orında,       

Bîr istasyon bolgan...

Sosı yerde arbaga,    

Em keme, trenge,     

Em tiyarege minilgen...

Är kimdiñ aqşası,    

Qaysı vesayitke yetse,   

Sosımınan yolga ketken...

Nav eki qızmatşı,  

Derslerini algan soñ    

Yollarına tüskenler...

Qızmatşıdıñ bîrevi,  

Bedbaqt em sarseri   

Bolgan üşün istasyonga

Bargaşe altınlardıñ      

Yırma üşüni qarcagan...

Oyun moyunga berip      

Altınını tavisken... 

Yirma tört altınından       

Anca bîrevi qalgan!

Adanası sosıga;  

Yav nav qolında     

Qalgan tek altınındı,

Bîr biletke ber taga!  

Songda nav uzaq yolda,  

Yayav em aş qalma!

Em bizim apendimiz,  

İygilikti köp süyer!

Belki saga da acıp      

Qusurındı keşirer!

Seni de tiyarege      

Mindirip yiberirler...  

Bîr künlük yoldan soñ      

Qonagımızga bararmız...

Yoqsa eki ay şölde,     

Aş, yayav, em yalgız    

Bîr basına yürmege

Endi mecbur qalıyaqsın!

Acaba sosı adem, 

İnad etip bîr altındı,     

Bîr qaznadıñ aşgışı

Ökmündeki biletke  

Bermeyberip ötüvşi     

Bîr tedimge, künalerge,

Aqşasını qarcasa,   

Neşe essiz, em muzır,    

Em bedbaqt bolganını,

En aqılsız bîr adem    

Tagı em añlamaspa? 

Temsildeki manelerden    

Maqsad ne bolganını,

Keliyek yuma aytqandı,

Hak Kuday’ımız bizge

Nasip qılsın inşallah...                        

Savlıqpan qalıñız!

Dr. Yusuf ALTINIŞIK

E-mail: altinisikyusuf@gmail.com