• Video galereyası

TÖREKSOY daimi şurasınıñ 35 nçe çirattağı cıyılışı uzdı

Törki dönya xäbärläre 50

TÖREKSOY daimi şurasınıñ 35 nçe çirattağı cıyılışı uzdı

 

Qazaqstan

 Qazaqstanda Xalıqara törki mädäniyat oyışması TÖREKSOY daimi şurasınıñ 35 nçe çirattağı cıyılışı uzdı. Älege cıyılışta  Azärbaycan, Qazaqstan häm Qırğızstannıñ täq’dime belän 2018 nçe yıl Azärbaycan kompozitorı Gara Garaliyev,qazaq xalıq şağıyre Mağjan Jumabayev häm qırğız yazuçısı Çıñğız Aytmatovnı iskä alu yılı itep iğ’lan itelde. Bu xaqtağı qarar cıyılışnıñ yomğaqlaw beldergesendä urın aldı. Cıyılışta törki telle illär xezmättäşlek şurası häm törki teldä söyläşüçe illär parlamentariylar assambleyası belgeçlärennän êşçänlek törkeme buldıru , älege törkem äzerlägän üzgäreşlärgä çirattağı şura cıyılışında qul quyu qararına kilende. Cıyılışta TÖREKSOYnıñ 2018 nçe yılğa êş programması da raslandı häm TÖREKSOY ğomum särqätibe bulğan Düsän Kaseinov 2017-2020 nçe yıllar öçen qabat ğomum särqätip itep saylandı. Xalıqara törki mädäniyat oyışması TÖREKSOY daimi şurasınıñ 35 nçe çirattağı cıyılışında Törkiyäneñ Kastamonu şähäre 2018 nçe yılnıñ törki dönya mädäniyat başqalası itep iğ’lan itelde häm çirattağı daimi şura cıyılışın Kastamonuda ütkärü qararına kilende.

Qazaqstan mädäniyat häm sport ministrı Arıstanbäk Muhamediulı räislegendä Törkestan qalasında Äxmät Yäsäwi isemendäge xalıqara törek-qazaq universitetında uzğan cıyılışta TÖREKSOY ğomum särqätibe Düsän Kaseinov,mädäniyat häm turizm ministrı urınbasarı Xösäyen Yayman ,Qırğızstan mädäniyat, informaśiya häm turizm ministrı Sultan Cumagulov,törki telle  illär xezmättäşlek şurası ğomum särqätip urınbasarı Ömär Kocaman ,Azärbaycan xalıq ışanıçlısı Nizami Cäfärov, Törekmänstan mädäniyat ministrı urınbasarı Nursahet Şirimov,Gagauz (Moldova) mädäniyat häm turizm baş idarä başlığı Marina Semyenova qatnaştı.

 

Törkiyä

 Törek uçaqları cämğiyäteneñ Bursadağı bülege Uludağ universitetı xezmättäşlege belän 3 yıl buyı däwam ittergän “Här yıl ber törki şäxes” isemle mädäni çaranıñ 4 nçesen ütkärde. 2014 nçe yılda tanılğan fiker iyäse İsmäğil’ Ğaspralı ,2015 nçe yılda tarixçı professor doktor Halil İnalçık ,2016 nçı yılda böyek şağir’ Şäxriyarğa bağışlanğan simpoziumnar ütkärelgän ide. Bıyılğı çarada isä törki dönyanıñ tanılğan yazuçısı qırğız ädäbiyatçı ,diplomat häm säyäsät êşleklese Çıñğız Aytmatov iskä alındı.

Simpoziumnıň açılışında rektor, professor, doktor Yosıf Ulcay Çıňğız Ӓytmӓtovnıň ulı hӓm Qırğızstannıň êlekke tışqı êşlӓr ministrı Askar Ӓytmatov belӓn Qırğızstannıň İstanbuldağı konsulı Ӓrkin Sopokov, Törki uçaqlarnıň Bursadağı bülege başlığı professor doktor Sӓlçuk Kırlı belӓn cӓmğiyӓt’ üzӓge citӓkçelegennӓn Ayşӓ Fili Yavuz qatnaştı.

Çara açılışında çığış yasağan Çıňğız Ӓytmӓtovnıň ulı Askar Ӓytmatov Bursağa hӓm Uludağ universitetına berençe tapqır kilüen, ӓlege bӓyrӓmneň üze öçen bik ayırmalı buluın belderep, tübӓndӓgelӓrne ӓytte: “Mӓşhür Uludağ univesitetı xaqında küp nӓrsӓ işettem. Xӓzer inde üz küzlӓrem belӓn kürӓm. İň möhime dӓ – barlıq uqıtuçılarıbızğa hӓm bӓyrӓmne oyıştıruçı hӓrkemgӓ rӓxmӓtemne belderӓm. Minem uylawımça bik üzençӓlekle çara. 2018 yılda ӓtineň ike istälekle köne ber ük waqıtta bulaçaq. Berse tuuınıň 90 yıllığı, ikençese – ülemeneň 10 yıllığı. Şul rӓweşle bu bӓyrӓmneň bügen oyıştırıluı waqıtlı. Kilӓse Ӓytmӓtov yılınıň başlanğıçı bulaçaq.”

Qırğız geografiyasennӓn dönya ӓdӓbiyatına mörӓcӓğat’ itkӓndӓ cirle qalıp global’ bula alğan hӓm ӓsӓrlӓren bar dönyağa tanıtqan Ӓytmӓtovnıň “Cӓmilӓ” ӓsӓren franŝuz şağir’ Lui Aragon “Dönyanıň iň matur mӓxӓbbӓt xikӓyӓse” dip bäyälägän ide.

Çıňğız Ӓytmӓtov barlıq ӓsӓrlӓrendӓ keşene aňlata.

1928 yılnıň 12 dekabr’ könne tuğan böyek şağir’ 2008 yılnıň 10 iyun’ könne yaqtı dönyadan kitte. Üzennӓn soň ul şaqtıy telgӓ tӓrcemӓ itelgӓn ӓsӓrlӓr qaldırdı.

 

Üzbӓkstan

Törkiyӓdӓn kilgӓn turist sanın arttırunı hӓm ildӓge turizmnı üsterüne maqsat itüçe Üzbӓkstan viza sӓyӓsӓten yomşatıp, Törkiyӓ watandaşlarına viza ciñellege tudıra.

Törkiyӓ ilbaşı Ӓrdoğan belӓn Üzbӓkstan dӓwlӓt başlığı Şӓwkӓt Mirziyoyev arasındağı söylӓşüdӓn soň ike il arasındağı mönӓsӓbӓtlӓrneň üsterelüe maqsatı belӓn tığız êşçӓnlek başlatıldı.

Üzbӓkstannıň Turizm qalqınuı dӓwlӓt komitetı başlığı Aziz Abdülhakimov Sӓmӓrkand xaqimiyӓt’ rӓise Turobjon Curaev, Üzbӓkstan hawa yulları ğomüm mödir urınbasarı Umidjon Khusanov, Üzbӓkstan tışqı êşlӓr ministrlığınıň Sӓmӓrkanttağı konsullık xezmӓte başlığı Zafӓr Muhtarov, Törkiyӓneň Taşkenttağı ilçelegeneň turizm hӓm tanıtu kiňӓşçese Cӓsim Çӓlӓbi belӓn törek hӓm üzbӓk jurnalistları belӓn Sӓmӓrkantta küreşte.

Tışqı êşlӓr ministrlığınıň Sӓmӓrkadttağı konsullıq xezmӓte başlığı Zafӓr Muhtarov üz çığışında ike ilneň zur potenŝialına ışanuların belderep, viza mörӓcӓğat’lӓrenӓ 3 köndӓ cawap birülӓren belderde.

“Viza xezmӓtlӓre tağın da ciňel bulaçaq,”  digӓn Muhtarov ber jurnalistnıň viza çığımnarı sorawına monıň da töşerelüe öçen êşçӓnleklӓrneň başlatıluın citkerde.

Üzbӓkstan hawa yulları İstanbulğa hӓr kön sӓfӓr çınğa aşıra, Törek hawa yulları da mart ayınnan başlap Sӓmӓrkandqa sӓfӓrlӓren başlataçaq.

 



Bäyläneşle xäbärlär