Nogayşa 129: İymandan kelgen tınşlıq (3)

İymandan bizge kelgen 

Tınşlıqtan qabar bergen

Keñ maneli sözlerdiñ   

Üşünşisi nav bolgan:  

La Şerike Leh:

“Kuday’ımız Hak Allah’tıñ 

Äş ortagı bolmagan...”

Rabb’imiz Hak Allah’tıñ 

Kuday’lıgı betinde

Bîr ortagı bolmaganday,

Rab’lıgında tagı em,    

Yani yaratqanında,   

Nav käinattıñ neşe türlü,

Sansız isi bar bolsa,   

Baresini bîr basına    

Em de äş qıynalmay

Qolayşa etkeninde,    

Bîr qosagı bolmagan...

So manedi az taga   

Oylasaq körgenimiz, 

Bîr eldin bîr basşısı,

Yalgız bîr tek patşası 

Bolganı bilingen. 

Patşa, ekev bolmagan...

Tek etken islerinde, 

Onun barı memurları,

Ortaqları sanılgan...

Qaytip boladı, desek,

Padşadıñ qasında     

Vazipeli insanlar,

So patşadıñ qasına 

Är ademdiñ kirgenine,

Yengil izin bermegen.

“Patşaga aytıyagındı, 

Bizge tagı ayt!” degen.

Yade sosı patşa,   

Sosı eldiñ är yagında   

Neşe isler bar bolsa,

Bîr basına baresiniñ  

Haqından kelalmagan...

Kömeksiz etalmagan...

Memurları bolmasa 

Bîr basına bîr özi,   

Sosı isler baresini,

İyninde tasıyalmagan.

Dayim kömekşilerge,   

Muqtaj bolup turgan.

Vezirler, qumandanlar,

Neşe memur bar bolsa 

Aslında so patşadıñ

Yardamcısı bolgan. 

Atta bîr basqa betten    

Ortaqşışı sanılgan.

Endi nav misalmen 

Rabb’imizge qarasaq,

Barı neşe maqluqtıñ

Patşası Kuday’ımız,

Azel abed sultanı,    

Hak Allah Rabb’ımız,

Etken barı islerinde,

Kömekşi memurlarga,

Äş muqtajlıgı bolmagan...

Bizim körgenlerimiz,

Em de bilgenlerimiz    

Tısında tagı em,

Sanları soñsız bolgan 

Etilgen ne is bolsa,

Ol Rabb’ımız bîr basına

Özi basına avdargan.  

Är bîr zattıñär zatını,   

Tagı özi yaratqan.

Onın emri, tilevi,   

Bolmasa äş bîr zat,   

Äş bîr zatqa qarıspagan.

Tuvradan tuvra är kim 

Küşi soñsız so Rab’qa,

Tilegeni ne bolsa

Bîr basına aytalgan.   

Ortagı em kömekşisi,  

Bolmaganı üşün 

Rabb’ımızga qıyınlıgın

Aytıyaq bîr ademge:

“Kuday qasına endi,

Nav vaqıtta kiralmassın;

Söle saga yasaq bolgan!”

Dep äş bîrev aytpagan...

Ene sosı kelime,

İnsanlardıñ ruhına    

Munşa müjdedi bergen:

İymandı qazangan 

Bîr insandıñ ruhı,

Äş bîr mani bolmadan,

Äş bîrev qarıspadan,

Yade soga qarşı şıqqan   

Äş bîrev bolmadan,

Är alinde, är tilevinde,

Em de är bîr vaqıtta,

Qayerde bolsa bolsun,

Azel em abeddiñ,  

Barı rahmet qaznasınıñ   

İyyesi Allah’tıñ;

Em de barı şatlıqtıñ  

Tagı iyyesi bolgan    

Calallı, soñsız yahşı,

Em oñlıqtıñ iyyesi, 

KüşliRab’tıñ huzuruna 

Kireberip acatını,

Bîr basına aytalgan... 

Soñsız rahmetini tabıp,

Qudretine tayanıp   

Tap bîr tınşlıqtı,

Em süyünişti qazangan...

Savlıqpan qalıñız!

Dr. Yusuf ALTINIŞIK

E-mail: altinisikyusuf@gmail.com