Nogayça 120: Yamagatpan namazdıñ bır sırrı (1)

Bu yuma “YAMAGATPAN NAMAZDIÑ BIR SIRRI” baresinde habarlasamız...

Nogayça 120: Yamagatpan namazdıñ bır sırrı (1)

Nogayça 120: Yamagatpan namazdıñ bır sırrı (1)

Yamagatpannamazdıñ   

Bîr köp sırları bolgan...

Sosı sırlardan bîrevi,    

Nav aytılgan mane bolgan...

So manedi bîr alim,        

Teren em keñ aytqan...

 

Sosı sırdı aytuvı,    

Är namazda oqıngan    

Fatiha’dıñ işinde

“İyyake nabüdü    

Ve iyyake nestaıyn”   

Dep aytılgan ayettiñ

Manesini aytqan vaqıt      

Sosı sırdı em aytqan...

 

So barede ol alimdiñ      

Aytqanları dep bolgan:

 “Bizyalgız tek saga   

Tagat qılamız Allah’ım!”   

Manesine kelgen

Quran’daqı ayette     

Men” tuvıl da “biz” degendiñ

Manesini oylaganda,  

Bîrden namazda yamagat,  

Nege paziletli eken,

Nav “biz” degen sözden    

So manelerdi anladım:

 

Namaz qılganım Bayezid      

Meşiti’nde yamagatqa

Men de kirgenim vaqıt, 

Sosı namaz qılganlardıñ   

Är bîrevisi maga

Bîrer şefaatşı boldı!  

Em oqıganlarımman   

Qaysı manedi aytsam,

Nege inangan bolsam,    

Em nedi dava qılsam,

So yamagattıñ baresiniñ 

Menim aytqanlarıma,

Em inanganlarıma,

Em şayit em berkitivşi       

Bolganlarını kördüm. 

Nege desek aytqanımdı,

Menminen barabar   

Onlar tagı aytadı.

 

Ene sosı alminen 

Özümdi yalgız körmey 

Yamagattıñ baresini,

Özimdiñ qasında,     

Em artımda kördüm.

 

Ene sosı oymınan 

Noqsan ibadetimdi,  

Yamagattıñ baresiniñ

İbadeti işinde,  

Quday’ımga taqdimge,  

Bîr yesaret tabaldım.

 

Sosı oylar işinde  

Bîrden yañı bîr perde  

Aşılganın em kördüm:

Sankim nav İstanbul’dıñ     

Meşitleri birleşti. 

Sosı şaar baresi,  

Bayezid meşiti   

Ökmine em geşti.

Ol zaman so şaarde, 

Sav müminlerdiñ duvasınıñ,  

Tagı tasdikleriniñ

Manevi bîr manemen     

Üstimde bolganın kördüm...

 

Sosı mane az taga, 

Keñgeygenimen maga,  

Sosı vaqıt yeryüzi,

Baresi bîr meşit boldı...

So örmetli Käbe’diñ  

Tögereginde tutulgan,

Sav dünyadı aylangan  

Tögerek saplar işinde 

Men özimdi kördüm.

 

AlemlerdiñRabbına   

Sosı saplar işine   

Meni de quyganına,  

Alalca hamd kıldım.

Nege desek so almen,

Menim munşa şafaatşım,

Barı mümin ademler,

Sav dünyadı tolturup 

Namazda aytqanlarım

Är bîr sözdi barabar   

Aynısını aytıpyatır.

Aytqanımdı tagı em   

Barı tastik etipyatır... 

Sosı hayal meni em 

Basqa hayallerge tagı  

Alıp ketkeni zaman,

Käbe-i Mükerreme,  

Mihrap ökmine ötti.   

Meşitlerde gocadıñ

Turgan yerine geşti.  

Men de sosı pırsattan    

Paydalanaberip

So saplardı şayit tutup 

Namazda oturganda,

Tahiyyatta oqıganım,

“Eşhedü en laa ilahe 

İllallah ve eşhedü    

Enne Muhammeden

Rasülüllah” sözini,     

Manesimen em aytsaq:

Allah’tan basqa Quday

Bolmaganına, tagı

Muhammed’diñ (as) em onuñ

Elşisi bolganına  

Men şayitlik etermen.”

Degen sözdi aytqanda,

İmanımdıñ köşürüvşisi   

Sosı mübarek sözdi,  

Käbe duvarındaqı

Mübarek Hacerülesved’ke    

Amanat taslayman!

Degen vaqıtta tagı    

Bîr perde em aşıldı.

 

So perdede ne aşılgan,   

Em basqa manelerdi,

Keliyek yuma Haq bizge,

Baresini aytqandı, 

Nasip qılar inşallah!

 

Savlıqpan qalıñız!

 

Dr. Yusuf ALTINIŞIK

E-mail: altinisikyusuf@gmail.com  

 


Bäyläneşle xäbärlär