Nogayça 114: Hazret-i Paygambar’dıñ (as) bereket mucizeleri (2)
Bu yuma em“HAZRET-İ PAYGAMBAR’DIÑ (as) BEREKET MUCİZELERİ” baresinde habarlasamız...
Muhammed Paygambar (as)
Mekke’den Medine’ge,
Köşip kelgen vaqıtta,
Paygambar’dı (as) qonaq etken
Ebu Eyyub Ensari,
Allah razı bolsun ondan,
Körgeni bîr mucizedi,
Navı kepte aytqan:
“Paygambar(as) eñ avvel
Maga qonaq kelgende,
Yalgız Allah Rasulü’men (as)
Ebu Bekir Sıddıq’qa
Allah razı bolsun ondan
Yetiyek eki kisilik
Azaqay bîr astı,
Sosı sıylı qonaqlarga
Azirlep iqram ettim.
Paygambar aleyhisselam,
Ol zaman maga aytqan:
‘Medine’de yaşagan
Sıylı Ensar halqından
Otuz kisidi şaqır!’
Otuz adem keldiler,
Sosı astan yediler.
Soñda Allah Rasülü (as),
Qaytadan emir qılgan:
‘Altmıs kisi taga şaqır!’
Sosınlar em keldiler,
Aşap toyup kettiler.
Artından Paygambar (as),
Bîr taga emir qılgan:
‘Yetmis kisidi taga
Aşasınlar, sen şakır!’
Yetmis taga davet ettim.
Onlar tagı yediler.
Onlar aşap bolgan soñ
Taga qapta as qalgan!
Sav kelgen barı halq,
Nav mucizedi körgen soñ,
Barı müslüman bolgan.
Nege desek ekevine,
Azirlengen so astan,
Yüz seksan Medineli
Barı aşap em toygan...”
Bereket baresinde,
Bîr basqa mucizedi,
Basta Hazreti Omar,
Ebu Hureyre, Seleme,
Em Ebu Amrat degen
Sahabediñ üykenleri,
Razı bolsun Hak onlardan
Bizge qabar bergenler:
“Bîr sogısta ordudıñ,
Azıqları tavsilip
Baresi de aş qalgan.
Nav allerini onlar,
Zorda qalıp dayanamay
Paygambar’ga aytqanlar.
Paygambar da aleyhisselam,
Onlarga dep buyurgan:
‘Heybelerinizde kalgan
Arzaklar ne bolsa
Cıyınız!’ dep emir qılgan.
Är kim azar birer hurma,
Qollarında bolganlardı,
Akelip ortaga salgan.
Eñ köp hurma akelgen
Tört uvus akelalgan.
Baresini bîr kilimge
Quyaberip toplaganlar...
Baresi cıyılgan soñ
Sav hurmadıñ tamamı
Seleme’diñ aytqanınca
Allah razı bolsun ondan
Anca oturgan bir eşki
Miqtarınca bolgan.
Soñda Paygambar (as)
Bereketke dua etip
Artından em buyurgan:
‘Är kim bîr qap akelsin!’
Yugurup kelip sonlar,
Qaplarını tolturganlar!
Atta ordu işinde
Tolmagan qap qalmagan!..
Sosı mucizedi körgen
Sahabeden bîr kisi:
‘Nav bereket alimen
Eger barı insanlar,
Cıyılıp kelgey edi,
Baresine sosı hurma,
Tavsilmey yetiyek edi!’
Degen sözini aytqan.”
Gene basqa bîr mucize,
Basta Buhari, Müslim,
Em abıraylı Hadis
Kitaplarında yazılgan
Nav mucizedi de bizge
Ebu Bekir Sıddıq’tıñ (ra)
Ulı Abdurraman aytqan.
Allah razı bolsun ondan:
“Rasulüllah barabar
Biz, yüz otuz sahabe
Bîr seperge ketken edik.
Barı tört uvus undan
Biraz ötpek yasalıp
Bîr de eşki kesildi.
Yalgız ciger büyrögü
Otta kebap etildi.
Özim yemin etermen
Ol kebaptan yüz otuz
Sahabege Paygambar (as)
Är bîrevine bîr kesek
Kesip kesip dagıtqan.
Soñda Allah Rasülü(as)
Pisken etti eki qapqa
Quyup aldımızga salgan.
Biz baremiz toygaşa
Sosı etten aşadıq.
Baremiz toygan soñ,
Tagı sosı as artqan.
Men em artqan so astı,
Tüyeme de salganman...”
Keliyek yuma inşallah
Basqa mucizelerdi tagı
Aytuvdı nasip qılsın
Bizge Kuday Hak Rahman...
Savlıqpan qalıñız
Dr. Yusuf ALTINIŞIK
E-mail: altinisikyusuf@gmail.com