“Awrupada neonaśizm,çiktän tış rasaçılıq,neofaşizmnıñ ayaq tawışların işetäbez"

“Kön tärtibe” tapşıruınıñ çirattağı çığarılışın täqdim itäbez.

Törkiyä prem’yer-ministr urınbasarı Numan Kurtulmuş “Anadolu” agentlığınıñ ”Möxärrir säxifäse”ndä Awrupa illäreneñ törek säyäsätçelärgä qarşı totışı xaqında tübändägelärne citkerde:” Törkiyäneñ legal’ räweştä saylanğan xökümät äğzalarına, xalıq ışanıçlılarına anda çığış yasarğa röxsät birmäwçelär “PKK” separatist terror oyışmasınıñ poliśiya kontrolendä mitinglar ütkärüenä , Törkiyädäge referendum belän bäyle “yuq” kamaniyäse alıp baruına bik açıq räweştä yaqlaw kürsätte. Monı añlap bulmıy”.  

Kurtulmuş süzen tübändägeçä däwam itterde:” Awrupalı duslarıbız şunı onıtmasın,terror oyışmalarınıñ yaxşısı, naçarı bulmas. “PKK” terror oyışmasın bik irkäläp bozasız ikän ber könne awrupalı säyäsätçelärgä dä zıyan kiterer.Êlegräk tä zıyan kitermädeme? Ulof Pal’me cinayäten onıtmasınnar. (Şveśiya,1986).Awrupanıñ iñ demokrat, iñ basınqı säyäsätçelärennän berse bulğan Pal’mene “PKK” üterde. Awrupanıñ üzägendä awrupalı säyäsätçelärgä qarata üterü başqara alaçaq terror oyışması turında süz bara.

Numan Kurtulmuş: “Awrupada neonaśizm,çiktän tış rasaçılıq,neofaşizmnıñ ayaq tawışların işetäbez. Yaqın tarixında Gitler häm Mussolini faşizmınnan cäfa cikkän Awrupa. Awrupanıñ yaqın tarixı -  Berençe häm İkençe Bötendön’ya suğışı arasındağı däwer qanlı tarix. Bu qanlı tarixnıñ töp säbäbe - çiktän tış rasaçılıq “,-dide.

Törkiyä prem’yer-ministr urınbasarı Numan Kurtulmuş awrupalılarnıñ Törkiyädä 16 nçı aprel’dä ütkäreläçäk referendumda Awrupada yäşäwçe töreklärneñ tawış birüen tıya alaçaqların söyläşä başlawlarına basım yasap bernindi köçneñ dä monı totqarlıy almayaçağın belderde.

Yaña sistemada ilbaşınıñ kontrol’ itelä almawı däğwalarına da tuqtaluçı Kurtulmuş ”Kiresençä ilbaşınıñ wäqalätläre belän bergä cawaplılıqları da bik küp. İlbaşı berniçek tä Törkiyä Böyek Millat Mäclesennän östen qanun çığaru cähätennän wäqalätkä iyä tügel”dide.  

”İlbaşı çığaraçaq qanun köçendäge qararnamälär berniçek tä qanunğa qarşı bulmayaçaq”dip äytüçe Numan Kurtulmuş bolay dip belderde:”Yäğ’ni qanun iyerarxiyası bar, Töp Qanun iyerarxiyası bar .Xökümät, ministrlar şurası qanun çığarğan kebek. Yaña sistemada prem’yer-ministr bulmağanğa kürä anıñ urınına ilbaşı monı çığaraçaq. Alarnıñ berse dä qanunğa qarşı bulmayaçaq”.  

Numan Kurtulmuş “Törkiyädä monnan soñ 50%tan kübräk tawış alğan ilbaşı bulaçaq häm xökümät sistemasın qoraçaq. Xalıq belän tağın da yaxşı mönäsäbätlär urnaştırıp ,xalıqnıñ taläplären, kötkännären qanäğät’länderäçäk häm xalıq da saylıy alaçaq säyäsätçelärne bilgeläwe kiräklegen küräbez. Bu nigezdä oppoziśiyägä tağın da kübräk mömkinlek bira”dide.

3 million süriyälegä Törkiyä watandaşlığı birü süzläreneñ dä yalğan buluın äytkän Kurtulmuş bu xaqta bolay dide:” Bolar watandaşlarıbız arasında kityerenkelek barlıqqa kiterü öçen äytelgän süzlär. Süriyälelärga watandaşlıq birü digän närsä yuq. Bu yalğan .Alar bezneñ duslarıbız. Bez alarnıñ üz illärendä dä tınıç şartlarda isän-imin yäşäwläre öçen tırışabız”.

Prem’yer- ministr urınbasarı Kurtulmuş :”Bez 3 millionnan kübräk qaçaqnı ilebezgä sıyındırdıq. Watandaşıbız alar belän ikmägen büleşte. Bu qadär sıyınuçınıñ başqa ber ilgä kilüe bik zur külämle sośial’ waqiğalarğa säbäp bulğanda Törkiyä xalqı moña yärdämläşü ruxı belän cawap qaytardı.Qayber problemalar kilep tuarğa mömkin, ämma süriyälelär mäs’äläse Törkiyä öçen sośial’ problemağa äwerelmäde. Süriyälelärgä watandaşlıq birü digän närsä yuq. Bu yalğan .Alar bezneñ duslarıbız”,-dide.

Awrupanıñ tüntäreleşçelärne yaqlawı turında Numan Kırtulmuş tübändägelärne citkerde:” Monı qabul itü mömkin tügel .Bu yalğış. Bu “Fätullahçı terror oyışması/parallel’ däwlät qorılışı” oyışmasın yaqlaw,saqlaw digän süz. Bez monı qabul itmibez. Awrupa illärenä sıyınğan häm bälki kiläçäktä dä sıyınaçaq “FETÖ”çılarnıñ Törkiyägä tapşırıluı - Törkiyä belän bu illär arasındağı duslıq mönäsäbätlärebez kirägençä zaruri” dide.