Nogayça 96: Taqva em salih amel
Bu yuma “TAQVA EM SALİH AMEL” baresinde habarlasamız!
Quran’da aytılgan
Taqva degen bîr emir;
“Qudaybetten yasaq bolgan
Haram degen barı zattan,
Özini erek tutqan”
Manelerine kelgen...
Salih amel degen zat,
“Emir tögereginde,
Qullıqlar eteberip
Tagı qayır qazangan”
Manelerine kelgen.
Är kimdiñ inanganı,
Bîr aqıyqat nav bolgan:
“Är dayim yamanlıqtı,
Özimizden erek tutqan,
Bizge paydalı zatqa
Yuvıqlıqtan aldı kelgen...”
Nav zamanga qarasaq
Baremizdiñ körgeni,
Tögerekte bolganlar,
Manevi yaşavlardı,
Yermen bîr etipyatır.
Künaler em bîr yaqtan
Är yaqlardı biylepyatır...
Hak’tıñ yaman körgeni
Avas etilgen barı zat,
So zamanda ademdi,
Özine tartıpyatır...
Ene sonday bîr zamanda,
Taqva degen emirmen
Allah’tan tartınganı,
Üyken künalerden em
Bolganşa erek qalganı,
Manevi yaşav üşün
Asıl, esas bolup sosı,
Ali aldıga ötken...
Nav zamanda künaler,
Är yaqlardı biylegenge;
Tabiyattı bızuvşı
Yaman oylar, pikirler,
Dahşet alge yetkenge;
Yamanlıqlar yahşılıqtı,
Ozıp aldı ötkenge;
Sosı zamanda taqva,
Manevi bızıqlıqqa,
Barı müslimanlar üşün
En üyken esas bolgan...
Sosı vaqıtta insan,
Parızlardı etken bolsa,
Tagı üyken künalerden,
Özini erek tutsa;
Allah’tıng kömegimen
Ahiret’te kurtulur dep
Bizge müjde berilgen!
Basqa bîr aqıyqat em,
Bötende bu vaqıtta,
Künalerdiñ är yaqtı
Sarganı so zamanda,
Salih amel etalganı,
Bek qıyın bolup turgan...
Nav sebepten so vaqıtta
Salih amel az bolsa da,
Azı köpke sayılgan...
Bîr yaqtan taqvadıñ em
İşine bîr türlü,
Salih amel salıngan.
Qaydey desek, bîr aramdı,
Terk qılganı, vacip bolgan...
Bîr vacipti etken insan,
Köp sünnetti etkendey
Bek köp savab qazangan.”
Taqva munday zamanlarda,
Miñler küna ücumunda,
Neşe küna terk qılınsa,
Onca vacip etilgendey
Quday oga savap yazgan...
Bîr müsliman ademdiñ
Niyetinde taqva bolsa,
“Men Allah’tıñ yasagına
Uyaberip künalerden
Özimdi erek tutsam.”
Degen maqsatı bolsa,
Sosı al inanganga,
İbadetke sayılıp,
Oga salih amel bolgan...
Är takıyka so zamanda
Yüz küna bîr insanga,
Rastlayberip kelgen üşün,
Albette taqvamınan,
Tartıngan niyet bolsa,
Yüz salih ameldi,
İslegendey savap bolgan!
Är zamandıñ ökmi bar:
Sosı qıyın zamanda,
Az amelge köp savap,
Berilgeni bizlerge,
Hak Allah’tan rahmet bolgan...
Savlıqpan qalıñız
Dr. Yusuf ALTINIŞIK
E-mail: altinisikyusuf@gmail.com