Cäwdät Söläyman: “Tatarça çığış yasawım bezne urtaqlaştıra”

"Tatarça çığış yasawım bezne urtaqlaştıra häm tatar telen üsterügä dä öleş kertä"

2009nçı yılda başqala Änkarada Törek tele cämğiyäte oyıştırğan “Törki cömhüriyätlärdä urtaq informatika terminnarı” isemle simpoziumda Tatarstannan qatnaşqan tanılğan ğalim, akademik, professor, Tatarstan fännär akademiyäse viśe-prezidentı Cäwdät Söläymannıñ çığışın tıñlarğa däwam itäbez:

“Sezneñ alda minem tatarça çığış yasawım häm sezneñ mine añlarğa tırışuığız, küpmeder däräcädä añlawığız bezne urtaqlaştıra da häm tatar telen üsterügä dä öleş kertä”.

İdel-Ural cirläreneñ bäysezlek simvolı

30nçı avgust könne Törkiyädä ciñü bayräme bularaq qotlansa, Tatarstanda respublika, cömhüriyät köne bularaq bilgeläp ütelä. Gärçä, soñğı yıllarda bu möhim datağa Qazan köne digän bäyräm östälgän bulsa da 1990nçı yılnıñ 30nçı avgust könne Tatarstan parlamentı qabul itkän Möstäqillek Deklaratsiyäse iskä alınğan kön bularaq tarix säxifälärenä kerep qaldı.

Milli dairälär, tatar zıyalıları isä 30nçı avgust könen İdel-Ural cirläreneñ bäysezlek simvolı bularaq qotlarğa çaqıra.

Tatarstan Möstäqillek deklaraśiyäse qabul itelgän 1990nçı yılnıñ 30nçı avgust könen häm tatar milläteneñ milli mäsläge, ideyalarınıñ tormışqa aşırıluı öçen köräş alıp barğan olı zatlarıbıznı qabat xörmät belän iskä töşerep, şuşı tarixi könnärdä yazdırıp alınğan yazma täqdim itäbez.