Bäysez däwlätlär Berlegeneñ parlamentara assambleyası

Bäysez däwlätlär Berlegeneñ parlamentara assambleyası

Ağımdağı yılnıñ 20 nçe mayında Rusiya Federatsiyäseneñ Sankt – Peterburg qalasında urnaşqan Bäysez däwlätlär Berlegeneñ parlamentara assambleyası ğomum üzägendä assambleyanıñ 44 nçe ğomum şurası uzdı. Ğomum şurada Bäysez däwlätlär Berlegenä äğza illärneñ parlament başlıqları häm parlamentara Berlege,Awrupa şurası parlamentariylar assambleyası,Awrupa iminlek häm xezmättäşlek oyışmasınıñ parlamentariylar assambleyası kebek xalıqara oyışmalar başlıqları qatnaştı. Bäysez däwlätlär Berlege parlamentara assambleyasınıñ 44 nçe ğomum şurası qısasında Bäysez däwlätlär Berlegeneñ 7 nçe yäş parlamentariylarara assambleyası cıyılışı da uzdı.

Bäysez däwlätlär Berlegeneñ parlamentlarara assambleyası başlığı Valentina Matviyenko räislegendä uzğan 44 nçe ğomum şurada ğalämdä tikşerenülär ütkärü häm ğalämne tınıç maqsatta qullanudağı xezmättäşlek mömkinlekläre,bioenergiya tarmağın kamilläşterüneñ xoquqi asqorması ,ekologiya problemaları,biologik törlelekne saqlaw,maqsatlı qullanu häm üsterü, awıl xucalığı eşlänmäläre eksportında gennarı üzgärtelgän organizmnar qullanu,mäğarif häm xalıqara xezmättäşlek mäs’äläläre,alarnıñ yuridik asqorması turında süz bardı.

Ğomum şuradan soñ Bäysez däwlätlär Berlegeneñ parlamentara assambleyası parlament başlıqları matbuğat äğzalarına brifing ütkärde. Matbuğat oçraşuında assambleyanıñ parlamentara Berlegenä 11 nçe urtaq äğza saylanuına basım yasaldı häm oyışmanıñ 2015 nçe yılda başqarğan eşçänlekläre xaqında mäğlümat birelde.

Bäysez däwlätlar Berlegeneñ parlamentara assambleyasınıñ 44 nçe ğomum şurası qısasında 19 nçı mayda 4 nçe Xalıqara Awraziya iqtisadi xezmättäşlegeneñ perkspektivaları forumı uzdı. Şul uq könne assambleya komissiya cıyılışları ütkärelde. Ğomum şurağa kilgän parlament häm Berlek başlıqları ike yaqlı söyläşülar ütkärde. Şulay uq Bäysez däwlätlär Berlege parlamentara assambleyasınıñ 44 nçe ğomum şurası qısasında Bäysez däwlätlär Berlegeneñ parlamentara assambleyası, Awrupa şurası parlamentariylar assambleyası, Awrupa iminlek häm xezmättäşlek oyışması parlamentariylar assambleyası häm Qara diñgez iqtisadi xezmättäşlek parlamentariylar assambleyası ğomum särqätipläre oçraşıp söyläşep mondıy tördäge cıyılışlarnı yış ütkärü mäs’älasendä kileşü tä’min itte.

1992 nçe yılnıñ 27 nçe martında Almatı qalasında tözelgän Bäysez däwlälät Berlege parlamentara assambleya 1995 nçe yılda bäysez däwlätlärara oyışma statusına iyä buldı. Xäzerge waqıtta assambleyağa Bäysez däwlätlär Berlegendäge 9 il parlamentı äğza. Bäysez däwlätlär Berlegeneñ parlamentara assambleyası başlığı wazıyfasın 2011 nçe yılnıñ 9 nçı noyabrennän birle Valentina Matviyenko başqara. Oyışma xäzerge waqıtqa qadär 40 tan kübräk xalıqara oyışma belän xezmättäşlek kileşüe imzaladı häm xezmättäşlek başqara.

Rusiya östenlek alğan bu oyışma Rusiya Federatsiyäseneñ elekke Sovelar Berlege illäre belän xezmättäşlekne däwam itterü häm üsterü öçen yuridik asqorma buldırunı tä’min itä. Bäysez däwlätlär Berlege parlamentara assambleya mediada bik yaxşı belenmäsä dä üz säyäsätläre nigezendä referendum, saylawlar ütkärü, jurnal häm kitaplar bastırıp çığaru, Bäysez däwlätlär Berlegendä parlamentarizmnı kamilläşterü ,kongress, konferentsiya, seminarlar oyıştıru, oyışmağa äğza illärneñ urtaq bäyrämnären bilgeläp ütü,il parlamentı tarafınnan namzät itep kürsätelgän keşelärne büläkläw,sotsial proyektlarnı tormışqa aşıru mäs’älälärendä eşçänleklären qatği räweştä däwam itterä. Mäsälän, 2015 nçe yılda assambleyada 20 daimi komissiya cıyılışı ütkärelde.

Bäysez däwlätlär Berlege Sovetlar Berlegeneñ tınıç yul belän tarqaluı bularaq bäyälänsä dä Rusiya Federatsiyäse bu wäzğiyätne kiregä äyländerergä tırışa. Bäysez däwlätlär Berlege parlamentara assambleyası eşçänlekläre monı kürsätä. Xalıqara Berleklär populyar bulğan, il häm töbäklär xezmattäşlek başqamıyça torıp qalqına almağan dönyada Rusiyäneñ öleşça dä bulsa bu mäs’älädä uñışqa ireşäçägen äytergä mömkin.

Bu bäyläneştä Törki telle illär parlamentariylar assambleyasınıñ başta xalıqara oyışmalar belän xezmättäşlekne üsterü ,törki telneñ xalıqara populyarlığın arttıru kebek mäs’älälärdä alğarış tä’min itü kiräklegen Bäysez däwlätlär Berlege parlamentara assambleya eşçänleklerenä qarap äytergä mömkin.