Nogayşa 243: Qur’an deñizinden bȋr kesek aqıyqat (4)
Hikmet tolu Qur’an’dıñ
Aqıyqatları deñiz bolgan...
So deñizden neşe alim,
Aqıyqat qaznaları şıgargan...
Deñizdeki tamşıqlardıñ
Sanuvı bolmaganday
Qur’an deñizindeki
Aqıyqatlardıñ tagı,
Soñına barılmagan...
Munşa alim ömürlerşe
Aytıp turganları alde,
Qur’an’daqı aqıyqatlar,
Äş tavsilip bolmagan...
Endi ol aqıyqatlardan,
Üykenşe bîr alimdiñ
Aytqanlarından bîr kesekti,
Avdaruvga davam qılamız.
Bismilllahirrahmanirrahim,
Dep sözge baslaymız.
Em Allah’tıñ elşisi
Hazreti Muhammed’ge
Salat, selam aytamız...
“Ey aziz qardaşım bil!
Sünbül berip terek bolgan,
Tal budaqqa qarısqan,
Soñı meyvası şıqqan
Bîr terekti körgen bolsan,
Ne bolganı aşıq bolgan
Sosı terektiñ şekirdegi,
Aqında şüphen bolmas.
Nege dese so şekirdek
Bitip qaysı meyvadıñ
Teregi bolganı,
Közdiñ aldına şıqqan...
Aynı sosı misaldey
Manesi em aqıyqatı,
Soñı em meyvaları,
Körilip şıqqan zattıñ
Tagı qaydey bolganı,
Aşıq bolgan aqıyqattıñ
Aqında em şüphe bolmas...
Demek teregi meyvası,
Şıgıp körilgen maselege,
Şüphe evhamlar qonmas...
Asıl maqsattı aytpay
Bîr eki söz em qossaq,
Bîr şekirdek basqa şekirdekpen
Barabar topraqqa atılsa,
Qaranlıq topraq astında
Qarısıp bilinmegen...
Tek ösip terek bolsa,
Tagı meyvaları şıqsa,
Äş şüpege tüspey
Qaysı meyvalardıñ şekirdegi
Bolganı bilinip ayrılgan.
Eger sen so alde em
Şüphe etiyek bolsan,
Şıqqan barı meyvalar,
Senin barı yanlışıñdı,
‘Mine biz nav meyvamız’
Dep köteresi seni,
Ötürükşi şıgarıyaq...
Alma teregi bolgan
Bîr şekirdek aqında,
Nav hanzalediñ şekirdegi
Dep aytqanın saga,
Asla nasip bolmayaq...
Eger barı almalar,
Hanzalege avıssa,
Sosı vaqıt almalardı,
Em şekirdeklerini,
Hanzalediñ dep aytarsın...
Tek sosı ihtimal,
Äş bîr zaman bolmıyaq...
Hanzale äş bîr vaqıt
Almaga avıspıyaq...
Endi sosı yergeşe
Aytılganlardan maqsat:
Paygambar’ımız tagı,
Aleyhissalatü vesselam,
Aynı bîr şekirdekke usagan:
İslamiyet teregi,
Barı meyvalarıman,
Em şeşekeylerimen,
So şekirdekten şıqqan...
Ol Paygambar Muhammed
Aleyhissselatü vesselam’dıñ
Nav mübarek avzından
Bizge kelgen Qur’antagı,
Seyyar yıldızlardı meyva bergen
Aynı bîr künge usap,
İslamiyet’tin on bîr tane
Esasını körsetken
Altı iyman esasıman,
Bes İslam şartımınan
Köringen Qur’an küni,
Barı yarıqlıgıman
Paygambar’dıñ meyvası
Bolup bizge uzatılgan!
-Aleyhissalatü vesselam-
Acaba nav är bîrevi
Dünya qadar qıymatlı
Meyvalardı körgen soñ,
Şekirdegi Muhammed,
Aleyhisselam aqında,
Bürtököy bîr şüpege,
Tüssen ornı bolar ma?
Aziz qardaşım qayta bil:
Duvalar Allah’tıñ
Bîrligi em barlıgına,
Tagı ibadettiñ sırlarına
Esik aşuvşı yol bolgan...
Qaytip boladı desen,
Eger Allah bîr bilinse,
Tagı ibadet etilse,
Duva em ibadet etken,
Qalbinde qıdırıp turgan,
Em işinden ötkergeni
Avas em tileklerdi,
Allah esiter dep inangan...
Em inanganı nispetpen
Quday’ga yalbargan.
Nav itikattı bîr insan,
İbadet etkeni zaman,
Tagı Haq'tıñ birligini,
Em barlıgını oylaganda
Yüreginde tapqan...
Zaten sosı itikatpan
İbadet kerek bolgan.
Barı etilgen duvalar,
Quday’dıñ küş quvvatına,
Em är zattı bilgenine,
Biz qullardıñ iymanını
Körsetip aşkere qılgan...
Nav itikatpan baremiz,
Allah’tıñ är bîr zattı
Bilgeni qasında,
Em är zatqa küşi yetip
Duvalarman özinden
Nedi tilegen bolsaq,
Beriyegine inanamız.
Em bergenlerine qarap
Nav iymanımızdıñ em
Üşün aqıyqat bolganına,
Yüregimizdi qosamız...
Savlıqpan qalıñız....
Dr. Yusuf ALTINIŞIK
E-mail: altinisikyusuf@gmail.com